मुंबई - महाराष्ट्र सरकारने आयपीएस अधिकारी परमबीर सिंग आणि मुंबई पोलिसांच्या पोलीस उपायुक्त दर्जाच्या अधिकाऱ्याच्या निलंबनाची प्रक्रिया सुरू केली आहे. ज्यांच्याविरुद्ध खंडणीच्या आरोपांप्रकरणी एफआयआर दाखल करण्यात आला होता. तसेच अनेक गुन्ह्यात परमबीर हे मुख्य आरोपी असून वारंवर बोलावून ही तपास यंत्रणेला ते सामोरे जात नाही आहेत. त्यामुळे त्याच्या विरोधात ३ अजामीन पात्र वारंटही काढण्यात आलं आहे.

हे देखील पहा -

सूत्रांनी सांगितले की, तीन दिवसांपूर्वी प्रत्येक अधिकाऱ्यावरील विशिष्ट आरोपांचा तपशील असलेला अहवाल डीजीपी कार्यालयातून महाराष्ट्राच्या गृह विभागाला पाठवण्यात आला होता, त्यानंतर ही प्रक्रिया सुरू झाली. सप्टेंबरच्या शेवटच्या आठवड्यात, महाराष्ट्राचे डीजीपी संजय पांडे यांनी राज्याच्या गृह विभागाला एक प्रस्ताव दिला होता की परमबीर सिंग यांच्यासह एकूण 25 अधिकारी, चार डीसीपी दर्जाचे अधिकारी आणि अनेक एसीपी दर्जाच्या अधिकाऱ्यांवर खंडणीच्या आरोपाखाली पाच एफआयआर दाखल करण्यात यावेत.

सूत्रांनी दिलेल्या माहिती नुसार, “सिंग आणि अन्य डीसीपी दर्जाच्या अधिकाऱ्याची नावे खंडणी सारख्या गंभीर गुन्ह्यात अनेक ठिकाणी आल्याने त्यांना निलंबित करण्याचा निर्णय घेण्यात आला. मात्र, हे सर्व वरिष्ठ अधिकारी असल्याने हा प्रस्ताव मुख्यमंत्र्यांकडे जाणार असून, ते अंतिम निर्णय घेणार आहेत. पुढच्या आठवड्यात मुख्यमंत्री रुग्णालयातून परतल्यावर यावर निर्णय होऊ शकतो.

Edited By - Shivani Tichkule