जगद्‌गुरु श्री संतश्रेष्ठ तुकाराम महाराज यांच्या 375 व्या पालखी सोहळ्यासाठी देहू ते पंढरपूर व पंढरपुर ते देहू या वेळी चौघडा गाडीसाठी टाळगाव चिखलीच्या बाळासाहेब मळेकर यांच्या नंद्या आणि संद्या या बैलजोडीला मान मिळाला आहे. गेले बारा वर्ष मळेकर कुटुंब दरवर्षी संस्थांनडे अर्ज करीत होते. यंदा पालखी सोहळ्यामध्ये चौघडा वादक गाडीचा मान मळेकर कुटुंबियांना मिळाला आहे.

अवघ्या काही दिवसांवर येऊन ठेपलेल्या जगतगुरु श्री संत तुकाराम महाराजांचा पालखी सोहळा आलेला असताना श्री संत तुकाराम महाराज संस्थानच्या वतीने परीक्षण करून हा निर्णय घेतला आहे. श्री संत तुकाराम महाराजांच्या पालखीचा रथ ओढण्यासाठी 26 बैलजोडीतून शारीरिक व वैद्यकिय दृष्ट्या भक्कम अशा बैलजोडीतून दोन बैल जोड्या पालखी रथासाठी व एक बैलजोडी पालखी सोहळ्याच्या पुढे चालणाऱ्या चौघडा गाडीसाठी शोध घेऊन त्यांची निवड केली आहे.

यामध्ये बैलांचे पाय, खुर, शिंगे शेपटी, डोळे. यांचे परीक्षण महत्त्वाचं असतं. या वर्षी पालखी सोहळा प्रमुख व श्री संत तुकाराम महाराज संस्थानचे विश्वस्त विशाल महाराज मोरे, माणिक महाराज मोरे, संतोष महाराज मोरे, संस्थानचे अध्यक्ष पुरुषोत्तम महाराज मोरे, संजय महाराज मोरे यांनी बैलजोडीची परीक्षण केले होते.

आम्ही या बैलांची मुलाप्रमाणे निगा रागतो. मुलांना वेगवेगळ्या पद्धतीचे खुराक दिल्या जाते. बिट, ओला चारा, कुट्टी, यासारखे शक्तीवर्धक पदार्थ खाऊ घालतो. प्रॅक्टिस म्हणून बैलगाडीला जोडले जाते, शेतात औतालाही जोडले जाते. महत्त्वाचं म्हणजे ही बैल जोडी बारा तास चालण्यासाठी सक्षम कशी होईल याकडे लक्ष दिले जाते. दरम्यान चिखलीच्या मळेकर कुटुंबांना चौघडा वादक बैल जोडीचा मान मिळाल्यामुळे सर्वत्र आनंदाचे वातावरण निर्माण झाले होते.

Edited By : Siddharth Latkar