मुंबईतील मालाडमधून एक धक्कादायक बातमी समोर येत आहे. मालाड पूर्वेतील पठाणवाडीत गोळीबाराचा प्रकार घडला आहे. प्रॉपर्टीच्या वादातून मित्राने मित्रावर गोळीबार केला आहे. एक ते दोन राऊंड गोळीबार करण्यात आला आहे. या गोळीबारात एक व्यक्ती गंभीर जखमी झाल्याची माहिती समोर आली आहे. गोळीबारानंतर आरोपी फरार झाला असून, पोलिसांकडून अधिक तपास सुरू आहे.

गोळीबाराच्या घटनेमुळे मालाड पूर्वेतील पठाणवाडीत भयंकर घटना घडली. दोन मित्रांमध्ये प्रॉपर्टीच्या वादातून भांडण सुरू होते. एकानं पिस्तूल काढली. तसेच गोळीबार केला. एक ते दोन राऊंड गोळीबार केला. या गोळीबारात एक व्यक्ती गंभीर जखमी झाल्याची माहिती समोर आली आहे.

गोळीबार केल्यानंतर आरोपी फरार झाला. घटनेची माहिती मिळताच कुरार पोलिसांनी घटनास्थळी धाव घेतली. पोलिसांनी घटनास्थळी दाखल होत तपासाला सुरूवात केली. पोलिसांनी या प्रकरणी गुन्हा दाखल करून आरोपीचा शोध घेण्यास सुरूवात केली आहे. या घटनेनंतर परिसरात काही काळ तणावाचे वातावरण निर्माण झाले होते.

मुंबई पूर्व उपनगरात पावसाचा थैमान

मुंबई पूर्व उपनगरात पुन्हा एकदा जोरदार पावसाला सुरुवात झाली आहे. एलबीएस मार्गावर पाणी साचायला सुरुवात झाली आहे. प्रवाशांना वाहतूकीदरम्यान, नाहक त्रास सहन करावा लागत आहे. वाहनांना मोठ्या प्रमाणात अडथळ्यांचा सामना करावा लागत आहे. एकच मार्गिका सुरू असल्यामुळे प्रवाशांना त्रास सहन करावा लागत आहे.