स्थानिक स्वराज्य संस्था निवडणुकीसाठी भाजपने विविध ठिकाणी ताकद वाढवण्यास सुरुवात केली आहे. पुणे शहरातील बडे नेते भाजपमध्ये प्रवेश करत आहेत. भाजपनेही पुणे ग्रामीणमध्ये मोर्चा वळवलाय. भाजपचा आता पुणे जिल्ह्यावर डोळा आहे.

भाजप जिल्हा परिषद निवडणूक डोळ्यांवर शरद पवार गटाचे खासदार अमोल कोल्हे यांनी एका वर्षभरापूर्वी अजित पवार गटातील नेते शेखर पाचुंडकर यांना पक्षात प्रवेश केला होता. शेखर पाचुंडकर यांचा आंबेगाव-शिरुर विधानसभा मतदारसंघांमध्ये मोठा दबदबा आहे.

गेल्या वर्षी एप्रिलमध्ये शेखर पाचुंडकर यांनी अजित पवार गटाला पक्षाला रामराम ठोकला होता. त्यानंतर त्यांनी शरद पवार गटात प्रवेश केला होता. त्यानंतर त्यांना आंबेगाव तालुकाध्यक्षपदही बहाल करण्यात आलं होतं. आता पाचुंडकर यांनी तुतारीची साथ सोडून कमळ हाती घेतलं आहे. पाचुंडकर यांनी राष्ट्रवादीला मोठा धक्का बसला आहे.

शेखर पाचुंडकर हे माजी मंत्री दिलीप वळसे पाटील यांचे अत्यंत विश्वासू मानले जायचे. त्यामुळे पाचुंडकर यांनी भाजपमध्ये प्रवेश केल्याने राष्ट्रवादीला मोठा धक्का बसला आहे. पाचुंडकर यांचं शिरुरच्या ४२ गावांमध्ये मोठं वलय आहे.

पुणे जिल्हा परिषदेचे माजी सदस्य राहिलेले शेखर पाचुंडकर आणि रांजणगाव देवस्थान ट्रस्टच्या अध्यक्षा आणि माजी जिल्हा परिषद सदस्या स्वाती पाचुंडकर यांनी मुंबईतील भाजप मुख्यालयात पक्षात प्रवेश केला. भाजपचे प्रदेशाध्यक्ष रवींद्र चव्हाण यांच्या उपस्थितीत हा पक्षप्रवेश केला.

नगरमध्ये शरद पवार गटाला धक्का

शरद पवार गटाचे जिल्हाध्यक्ष राजेंद्र फाळके यांनी पक्षातील पदाचा राजीनामा दिला. तब्ब्ल ७ वर्षे पद सांभाळल्यानंतर पक्ष फुटीच्या वेळी शरद पवार यांच्या सोबत राहिले. त्यानंतर आता कौटुंबिक करण सांगत तडकाफडकी राजीनामा दिला.