गिरीश कांबळे, साम प्रतिनिधी

महायुतीमधील अंतर्गतवादावर तोडगा निघाल्यानंतर मुंबईत राजकीय उलथापालथ होताना दिसत आहे. मुंबई महापालिकेत सत्ता बदलाचे संकेत मिळू लागलेत. पुढील अडीच वर्षात शिंदे गट शिवसेनेचा महापौर होणार असल्याची माहिती सुत्रांनी दिलीय. मुंबई महानगरपालिकेसाठी महायुतीमध्ये महापौर पदासाठी सव्वा-सव्वा वर्षांचा फॉर्म्युला ठरलाय. त्यानुसार अडीच वर्षानंतर शिंदे गटाचा महापौर बसणार असल्याची माहिती सुत्रांनी दिलीय. महापालिका निवडणुकीचा निकाल लागल्यानंतर महायुतीच्या समन्वय समितीच्या बैठकीत शिंदेंच्या शिवसेनेला भाजपकडून शब्द देण्यात आला होता, अशी माहिती विश्वसनीय सूत्रांनी दिलीय. त्यानुसार अडीच वर्षे पूर्ण झाल्यानंतर पुढील सव्वा वर्षे शिंदेंचा महापौर होणार असल्याची चर्चा आहे.