मुंबई: शिवसेनेचे ज्येष्ठ नेते एकनाथ शिंदे (Eknath Shinde) यांच्यासह शिवसेनेच्या ४० आमदारांनी बंड केल्याने महाविकास आघाडी सरकार अडचणीत आले होते. काल मुख्यमंत्री उद्धव ठाकरे यांनी मुख्यमंत्री पदाचा राजीनामा दिला. त्यामुळे आता महाविकास आघाडी सरकार कोसळले. यामुळे आता भाजप (BJP) आणि शिंद गट एकत्र येऊन सरकार स्थापन करणार असल्याचे निश्चित झाले आहे. या पार्श्वभूमीवर काल भाजपच्या ट्विटर हॅन्डलवरुन एक सूचक ट्विट करण्यात आले आहे.

काही महिन्यात राज्यातील महानगरपालिकांच्या निवडणुका (Election) होणार आहेत. मुंबई महानगरपालिकेचीही निवडणूक काही महिन्यात होणार आहे. भाजपने मुंबई महापालिकेसाठी जोरदार तयारी सुरू केली आहे.

मुख्यमंत्री उद्धव ठाकरे यांनी काल राजीनामा दिला. यानंतर भाजपने काल आनंदोत्सव साजरा केला. या पार्श्वभूमीवर काल मुंबई भाजपच्या (BJP) ट्विटर हॅन्डलवरुन एक ट्विट केले आहे. 'यह तो झांकी है.... मुंबई महापालिका अभी बाकी है...!' असं ट्विट केले आहे.

काही महिन्यात होणाऱ्या मुंबई महापालिकेच्या निवडणुकांसाठी भाजपने जोरदार तयारी सुरू केली आहे. मुंबई महापालिका सध्या शिवसेनेच्या ताब्यात आहे, महापालिकेवर भाजपला एकहाती सत्ता मिळवायची आहे. त्यामुळे भाजपने जोरदार तयारी सुरू केली आहे.

भाजप आणि शिंदे गट एकत्र येत राज्यात सत्ता स्थापन करणार असल्याचे बोलले जात आहे. मुख्यमंत्रीपद देवेंद्र फडणवीस यांना तर उपमुख्यमंत्रीपद एकनाथ शिंदे यांना मिळणार असल्याचे बोलले जात आहे.

शिंदे गटातील 'या' नेत्यांना मिळणार मंत्रिपदी बढती

एकनाथ शिंदे यांच्यासह ४० आमदारांनी बंड केले होते. या बंडात महाविकास आघाडीमध्ये मंत्री असणारे नेत्यांनीही बंड केले होते, यात शिवसेना (ShivSena) नेते शंभूराजे देसाई यांनीही बंड केले होते. आणि अपक्ष असणारे राजेंद्र पाटील यड्रावकर यांनीही बंड केले होते. या दोन्ही मंत्र्यांना कॅबिनेटमध्ये बढती मिळणार असल्याचे बोलले जात आहे.