Shaina NC Apology Saam Tv
मुंबई/पुणे

Shaina NC: आधी बाळासाहेब ठाकरेंचा फोटो फाडला, आता शायना एनसींनी माफी मागितली

Shaina NC Apology: सोनिया गांधी यांच्या पुस्तकाची पानं फाडताना शिंदेसेनेच्या नेत्या शायना एनसी यांनी बाळासाहेब ठाकरे यांचा फोटो फाडला. त्यानंतर आज त्यांनी माफी मागितली.

Priya More

हिंदुहृदयसम्राट बाळासाहेब ठाकरे यांचा फोटो फाडल्याप्रकरणी शिवसेना शिंदेगटाच्या नेत्या शायना एनसींवर सध्या टीकेची झोड सुरू आहे. सोनिया गांधींच्या पुस्तकाची प्रत फाडण्याच्या नादात त्यांनी हिंदुहृदयसम्राट बाळासाहेब ठाकरे यांचा फोटो फाडला. शायना एनसीविरोधात शिवसेना ठाकरे गट आक्रमक झाला असून ठिकठिकाणी आंदोलनं केली जात आहेत. फोटो फाडल्यानंतर शायना एनसी यांनी स्पष्टीकरण देत मी बाळासाहेब ठाकरे यांचा नाही तर मणिशंकर अय्यर यांचा पोटो फाडला असल्याचे सांगितले होते. आता या सर्व घडामोडींनंतर शायना एनसी यांनी माफी मागितली आहे. 'बाळासाहेब ठाकरे हे माझे दैवत होते.', असं त्या म्हणाल्या. सोशल मीडिया प्लॅटफॉर्म एक्सवर त्यांनी माफीनामा पोस्ट केला.

शायना एनसी यांनी शिवसैनिकांची माफी मागत पोस्टमध्ये लिहिले की, 'काही माणसं आणि काही नाती आयुष्यभर काळजाच्या एका कोपऱ्यात घर करून राहतात. हिंदुहृदयसम्राट शिवसेनाप्रमुख बाळासाहेब ठाकरे हे माझ्या आयुष्यातील असेच पितृतुल्य आणि देवतुल्य व्यक्तिमत्त्व. मी लहान असताना पहिल्यांदा बाळासाहेबांना भेटले. ते माझ्या वडिलांचे अत्यंत जिवलग मित्र होते. आमच्या कुटुंबाशी त्यांचे अतिशय जिव्हाळ्याचे संबंध होते. अनेक वर्षे त्यांचा अखंड सहवास आम्हाला लाभला, आशीर्वाद मिळाले. माझ्या आयुष्यातील सर्वात महत्त्वाच्या क्षणी, म्हणजेच माझ्या लग्नालाही ते आवर्जून उपस्थित राहिले होते.'

मला बाळासाहेबांचा अनादर कधीच करायचा नव्हता असे म्हणत त्यांनी पुढे लिहिले की, 'बाळासाहेब हे केवळ महाराष्ट्राचे नव्हे, तर संपूर्ण देशाचे एक अद्वितीय आणि तेजस्वी नेतृत्व होते. प्रखर देशभक्त, कट्टर आणि अभिमानी हिंदू, तसेच स्वातंत्र्यवीर सावरकरांचे निस्सीम चाहते. हिंदुत्वाच्या विचारांशी त्यांनी कधीही तडजोड केली नाही. काँग्रेसच्या विचारधारेविरोधात त्यांनी कायम ठाम आणि निर्भीड भूमिका घेतली. त्यांच्या विचारांमधील स्पष्टता, रोखठोकपणा आणि धगधगते तेज मला नेहमीच प्रेरणा देत आले आहे.कालच्या पत्रकार परिषदेत मी बाळासाहेबांच्या विचारांचा संदर्भ दिला. मात्र, माझ्या कृतीचा आणि वक्तव्याचा जाणीवपूर्वक विपर्यास करण्यात आला. माझा हेतू बाळासाहेबांचा अनादर करण्याचा कधीच नव्हता; उलट, त्यांनी आयुष्यभर जपलेल्या ज्वलंत विचारांमधूनच मी प्रेरणा घेते.'

बाळासाहेबांच्या चाहत्यांनी शायना एनसी यांनी माफी मागितली. त्या म्हणाल्या की, 'बाळासाहेबांविषयी तमाम जनतेच्या मनात असलेली श्रद्धा आणि प्रेम मला पूर्णपणे समजते. माझ्यासाठी आणि कोट्यवधी लोकांसाठी बाळासाहेब हे केवळ एक नेते नव्हते, तर दैवत होते. माझ्या कृतीमुळे जर खऱ्या शिवसैनिकांच्या किंवा बाळासाहेबांच्या चाहत्यांच्या भावना अनावधानाने दुखावल्या गेल्या असतील, तर मी मनापासून त्यांची माफी मागते. पण, ज्यांनी माझ्या या कृतीचा विपर्यास करून राजकारण करण्याचा प्रयत्न केला, त्यांना मला ठणकावून सांगायचे आहे की, बाळासाहेबांवरचे माझे प्रेम आणि निष्ठा सिद्ध करण्यासाठी मला कोणाच्याही प्रमाणपत्राची गरज नाही!'

तसंच, 'सत्ता आणि स्वार्थासाठी बाळासाहेबांच्या विचारांशी तडजोड करणाऱ्यांनी मला बाळासाहेब शिकवू नयेत. काही नाती आणि काही ऋणानुबंध तुमच्या सत्तेच्या आणि स्वार्थाच्या राजकारणापलीकडे असतात. बाळासाहेबांचे आशीर्वाद आणि त्यांच्याशी जोडलेल्या आठवणी हीच माझी खरी ताकद आहे, आणि ती कोणीही हिरावून घेऊ शकत नाही. हिंदुहृदयसम्राट बाळासाहेब ठाकरे यांना माझा मानाचा मुजरा!', असे शायना एनसी म्हणाल्या.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Maharashtra News Live Update: शायना एनसीवर गुन्हा दाखल करा ठाकरेसेना आक्रमक

कॉफी की पाणी सकाळी उठल्यानंतर सर्वात आधी काय पिणे आरोग्यासाठी फायदेशीर?

UPI व्यवहाराबाबत मोठी बातमी! B2B व्यवहारासाठी द्यावे लागणार फक्त ५ रुपये शुल्क

Cholesterol Detox Tips: रक्तातील चरबी मेणासारखी वितळवेल आल्याचं पाणी? कसं बनवाल हे पाणी, आताच नोट करा

Dawood Ibrahim: अंडरवर्ल्ड डॉन दाऊद इब्राहिमच्या मुंबईतील घरावर बुलडोझर, पोलिस बंदोबस्तात पालिकेची कारवाई; पाहा VIDEO

SCROLL FOR NEXT