विधानपरिषदेच्या मतदानावरून ठाकरे गटाचे नेते संजय राऊत यांनी महायुतीवर निशाणा साधला आहे. राज्यसभेच्या वेळी खुलं मतदान असतं. विधानपरिषदेचं मतदान देखील याचपद्धतीने व्हावं, घोडेबाजार थांबवावा अशी मागणी संजय राऊत यांनी केली आहे. महाविकास आघाडीचे विधानपरिषद निवडणुकीत तीन उमेदवार रिंगणात आहेत. या तीनही जागा जिंकून आणण्याचा विश्वास ठाकरे गटाचे नेते संजय राऊत यांनी व्यक्त केलाय.

शिंदे गट. अजित पवार आणि देवेंद्र फडणवीस यांनी त्यांच्या जागा सांभाळाव्यात असा इशारा देखील संजय राऊत यांनी दिलाय.आपापले उमेदवार सांभाळा, सत्ताधारी पक्षाला सर्वात जास्त क्रॉस वोटिंग होण्याची भीती असल्याची टीका संजय राऊतांनी यावेळी केली. अजित पवार आणि शिंदे गटाकडे दुसरा उमेदवार आणण्याइतके मतं नसल्याचा टोला यावेळी त्यांनी लगावला आहे.