Mumbai News: राज्यातील विदर्भ, मराठवाडा, उत्तर महाराष्ट्र या क्षेत्रातील औद्योगिक ग्राहकांना वीज दरात सवलत देण्यासाठी उपसमिती नेमून एक परिपत्रक जारी करण्यात आलं आहे. या पत्रकावर उर्जा खाते देवेंद्र फडणवीस यांच्याकडे आहे. तर सुधीर मुनगंटीवार(वने),उदय सामंत(उद्योग), अतुल सावे (सहकार) या मंत्र्यांची नावे आहेत. मात्र, (वित्त) खात्यावर कोणत्याही मंत्र्यांचं नाव नसल्याने हे खाते अजित पवार गटाकडे जाणार, अशी चर्चा राजकीय वर्तुळात रंगली आहे. (Latest Marathi News)

उद्योग, उर्जा आणि कामगार विभागाचं एक परिपत्रक राजकीय वर्तुळात चर्चेचा विषय ठरत आहे. या परिपत्रकात देवेंद्र फडणवीस यांच्या नावापुढे (उर्जा) खाते लिहिलं आहे. तर त्याच्याखाली (वित्त) खात्यापुढे कोणाचेही नाव नाही. मात्र, वित्त अर्थात अर्थ खाते हे अजित पवार गटाकडे जाणार अशी चर्चा राजकीय वर्तुळात सुरू झाली आहे.

परिपत्रकाची का होतेय चर्चा ?

राज्य सरकाने राज्यातील विदर्भ, मराठवाडा, उत्तर महाराष्ट्र या भागातील औद्योगिक ग्राहकांना वीजदरात सवलत देण्याबाबत एक महत्वाचा निर्णय घेण्यासाठी उपसमिती नेमली आहे. या उपसमितीत शिंदे-फडणवीस सरकारच्या ५ मंत्र्यांची नावे लिहिण्यात आली आहे.

या उपसमितीचे अध्यक्ष उर्जा मंत्री देवेंद्र फडणवीस आहेत. तर इतर सदस्यांची देखील नावे या उपसमितीत आहेत. या सदस्यांमध्ये सदस्यांमध्ये सुधीर मुनगंटीवार(वनमंत्री),उदय सामंत(उद्योगमंत्री), अतुल सावे (सहकारमंत्री) ही नावे आहेत. तर वित्त मंत्री या समोर कोणतंही नाव लिहिण्यात आलेलं नाही. त्यामुळे वित्त अर्थात अर्थ खाते अजित पवार गटाकडे जाणार अशी चर्चा राजकीय वर्तुळात रंगली आहे.