maharashtra assembly speaker Rahul Narvekar Reaction on Shiv Sena Mla Disqualification Case Saam Tv
मुंबई/पुणे

Maharashtra Politics: पुढची तारीख देऊ शकलो असतो, पण... आमदार अपात्रतेच्या सुनावणीवर राहुल नार्वेकरांची प्रतिक्रिया

Satish Daud

Rahul Narvekar on Shivsena Mla Disqualification Case

विधानसभा अध्यक्ष राहुल नार्वेकर यांनी शिवसेना आमदार अपात्र प्रकरणाच्या सुनावणीला वेग दिला आहे. १३ ऑक्टोबरला होणारी सुनावणी एक दिवस आधी म्हणजेच १२ ऑक्टोबरला घेण्याचं राहुल नार्वेकर यांनी ठरवलं आहे. याबाबत ठाकरे आणि शिंदे गटाला ईमेलद्वारे माहिती देखील देण्यात आली आहे. दरम्यान, सुनावणी ठरलेल्या वेळेच्या आधीच का घेण्यात येतेय? असा प्रश्न अनेकांना पडलाय. (Latest Marathi News)

याबाबत स्वत: राहुल नार्वेकर यांनी प्रतिक्रिया दिली आहे. जी 20 देशांच्या सभागृह अध्यक्षांची बैठक दिल्लीत होणार आहे. या बैठकीचे उद्घाटन पंतप्रधान नरेंद्र मोदी (PM Narendra Modi) यांच्या हस्ते होणार आहे. त्यामुळे आमदार अपात्र प्रकरणाची सुनावणी एक दिवस आधी घेणार असल्याचं राहुल नार्वेकर यांनी सांगितलं आहे.

१३ ऑक्टोबर रोजी मला दिल्लीतील एका कार्यक्रमाचं आमंत्रण आलं आहे. मी या कार्यक्रमात उपस्थित राहणं आवश्यक आहे. त्यामुळे मी १३ तारखेची सुनावणी १२ तारखेला घेत आहे. मला यात कोणतीही दिरंगाई करायची नाहीये. लवकरात लवकर निर्णय घ्यायचा आहे. त्यामुळे मी एक दिवस आधी सुनावणी घेणार आहे, असंही राहुल नार्वेकर म्हणाले.

दरम्यान, राहुल नार्वेकर आमदार अपात्र प्रकरणाच्या सुनावणीला जाणून बुजून दिरंगाई करत आहेत, असा आरोप विरोधकांकडून वारंवार केला जात आहे. या आरोपाला देखील नार्वेकरांनी उत्तर दिलं आहे. जर मला दिरंगाईच करायची असती, तर या कारणास्तव मी ती पुढे ढकलू शकलो असतो, असं राहुल नार्वेकर यांनी म्हटलं आहे.

असे असतानाही मी एक दिवस आधी सुनावणी घेत आहे. माझ्यावर होणाऱ्या आरोपांमागचा हेतू मला माहिती आहे. पण यामुळे माझ्या निर्णयप्रक्रियेवर कोणताही परिणाम होणार नाही. माझ्यावर आरोप करणाऱ्यांना कदाचित या या संपूर्ण निर्णय प्रक्रियेवर प्रभाव टाकायचा असेल. पण याचा माझ्यावर कोणताही प्रभाव पडू शकत नाही. नियमानुसार मी माझा निर्णय घेईन, असंही नार्वेकरांनी स्पष्ट केलंय.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Navratri 2024: नवरात्री स्पेशल उपवासाला बनवा बटाट्याचा शिरा; वाचा रेसिपी

KDMC News : पाणी मिळालं नाही, तर केडीएमसीला टाळे ठोकू; शिंदे गटातील नेत्याचा केडीएमसी अधिकाऱ्याला तंबी

Kalyan Crime : डिलिव्हरी बॉय, पण काम भयंकर, व्हिडिओ बघून सर्वच हैराण; CCTV पाहा

Jalgaon Religious Places : निसर्गाचं सानिध्य अन् भक्तीचा मेळ, जळगावातल्या धार्मिक स्थळांना भेट द्याच!

Bacchu Kadu: 'राज्याचा सातबारा नावावर आहे का?' बच्चू कडूंचा संजय राऊत, रोहित पवारांवर प्रतिहल्ला; २८८ जागा लढवण्याचीही घोषणा!

SCROLL FOR NEXT