महापालिका निवडणुकींच्या तोंडावर महाविकास आघाडी फुटली. मुंबईत काँग्रेसने स्वबळाचा नारा दिला आहे. मुंबई दौऱ्यावर असलेल्या काँग्रेसचे महाराष्ट्र प्रभारी रमेश चेन्नीथला यांनी स्वबळाची घोषणा केली. ऐन निवडणुकीत महाविकास आघाडी फुटल्याने भाजपची लढाई सोपी झाल्याची चर्चा राजकीय वर्तुळात सुरू झाली आहे.

मुंबई महापालिका निवडणुकीसाठी राजकीय पक्षांनी जोरदार तयारी केली आहे. मुंबई महापालिका निवडणुकीसाठी ठाकरे बंधू एकत्र येण्याची शक्यता व्यक्त केली जात आहे. ठाकरे बंधूंसोबत शरद पवार यांचाही पश जाण्यास अनुकूल असल्याचे बोलले जात आहे. मात्र, राज ठाकरे असलेल्या आघाडीत न जाण्याचा निर्णय काँग्रेसने घेतला आहे. काँग्रेसने घेतलेल्या निर्णयाने मुंबईत महाविकास आघाडी फुटल्याचे चित्र दिसत आहे.

भाजपची मुंबईसाठी रणनीती काय?

मुंबई महापालिका निवडणुकीसाठी महायुतीने जोरदार तयारी केली आहे. मुंबईत भाजपचे २०१७ साली ८४ नगरसेवक निवडून आले होते. २०२० साली झालेल्या शिवसेना फुटीनंतर मुंबईत दोन्ही शिवसेना आमनेसामने आले आहेत. मुंबईतील ज्या वॉर्डामध्ये ठाकरे गटाचं वर्चस्व आहे. त्या वॉर्डामध्ये शिंदे गटाला उमेदवारी देण्याची शक्यता आहे.

मुंबईत महायुतीच्या जागावाटपात शिंदे गटाला कमी जागा मिळण्याची शक्यता राजकीय वर्तुळात सुरू झाली आहे. तर मुंबईत अजित पवार गटाचं नेतृत्व नवाब मलिक यांच्याकडे देण्याला भाजपचा विरोध असल्याचे पाहायला मिळालं. त्यामुळे महायुतीत मुंबईतील २२७ जागांपैकी कोणाला किती जागा मिळणार, अद्याप गुलदस्त्यात असल्याचे पाहायला मिळत आहे.