Lonavala News : लोणावळा शहरातील सहारा पुल भागात फिरायला गेलेल्या दोघांना चाकूचा धाक दाखवत लुटल्याची घटना घडली आहे. या घटनेत एक लाख बारा हजार चारशे रुपयांचा ऐवज जबरदस्तीने नेल्याची तक्रार दाखल झाली आहे. लोणावळा शहर पोलीसांनी अज्ञाताविराेधात गुन्हा दाखल केला असून घटनेचा अधिक तपास करीत आहे.

पोलिसांनी दिलेल्या माहितीनुसार सलमान व त्याची मैत्रिण हे काल रात्री लोणावळा ब्रिजच्या पुढे फिरायला गेले हाेते. त्याठिकाणी असलेल्या तीन अनोळखी व्यक्तीनी त्यांना चाकूचा धाक दाखवला. तसेच सलमान याच्या हातावर चाकूने वार करुन गंभीर जखमी (injured) केले. (Maharashtra News)

यावेळी सलमानचा आय फोन (iphone) व त्याच्या मैत्रिणीकडील सोन्याची दोन तोळ्याची साखळी, चांदीची अंगठी असा एकूण एक लाख बारा हजार चारशे रुपयांचा ऐवज जबरदस्तीने लुटून नेला. या घटनेची माहिती त्यांनी लोणावळा शहर पोलीसांना दिली. त्यानूसार लाेणावळा शहर पाेलीस ठाण्यात तीन अज्ञातांविराेधात गुन्हा दाखल करण्यात आला आहे. या घटनेचा पाेलीस तपास करीत आहेत.

Edited By : Siddharth Latkar