Palghar News : पश्चिम रेल्वेच्या डहाणू आणि वानगाव स्थानकादरम्यान ओव्हरहेड वायर तुटल्याने पश्चिम रेल्वेचा खोळंबा झाला आहे. उपनगरीय सेवेबरोबरच लांब पल्ल्याच्या गाड्यांवरही त्याचा परिणाम झाला. रेल्वे प्रशासनाने दुरुस्तीचे काम हाती घेतले असले तरी दहा ते 15 मिनिट गाड्या उशिराने धावत असल्याची माहिती समाेर आली आहे.  (Maharashtra News)

डहाणूला डाउन लाईनच्या ओव्हरहेड वायर तुटल्याने आज (बुधवार) वाणगाव ते डहाणू दरम्यान संध्याकाळ पर्यंत लोकल रद्द केल्या गेल्या आहेत. या लोकल केळवेरोड, पालघर (palghar), बोईसर किंवा वाणगाव येथून सोडण्यात येणार आहेत.

याबराेबरच बोईसर- दिवा ही गाडी आज रद्द करण्यात आली आहे. उमरोळी स्थानकात कुठलीही पॅसेंजर थांबत नसल्याने आज झालेल्या तांत्रिक बिघडामुळे उमरोळी स्थानकात वलसाड गाडीचा थांबा द्यावा अशी विनंती प्रवाशांनी केली.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

त्यास मान्यता मिळाली आहे. सध्याही दुरुस्तीचं काम प्रगतीपथावर सुरू आहे. परिणामी लोकल 20 ते 25 मिनिटे उशिराने धावत आहेत. याचा परिणाम लांब पल्ल्याच्या गाड्यांवरही झाला आहे.

Edited By : Siddharth Latkar