Pimpri Chinchwad Latest Marathi News : पिंपरी चिंचवड शहरातील पिंपरी मार्केटमध्ये आज व्यापाऱ्यांवर सौम्य लाठीचार्ज केल्याची घटना घडली आहे. पिंपरी चिंचवड महापालिकेच्या अतिक्रमण विरोधी पथकातील शिपायांनी व्यापाऱ्यांवर (traders) सौम्य लाठीचार्ज केल्याने परिसरात तणावाचे वातावरण निर्माण झाले हाेते. दाेन्हीकडून चर्चा झाल्यानंतर वादावर पडदा पडला. (Breaking Marathi News)

महापालिकेच्या अतिक्रमण (encroachment) विरोधी कारवाईला पिंपरी मार्केट येथील व्यापाऱ्यांनी विरोध केला. त्यामुळे महापालिकेचे अतिक्रमण विराेधी पथकाच्या अधिका-यांची, कर्मचा-यांची आणि व्यापा-यांत शाब्दिक वाद झाला. हा वाद सुरु असतानाच अतिक्रमण विभागातील सुरक्षारक्षकांनी व्यापाऱ्यांवर सौम्य लाठीचार्ज केला. लाठीचार्ज केल्याने चिडलेल्या व्यापाऱ्यांनी काही काळ पिंपरी मार्केट बंद ठेवलं.

त्यानंतर पोलिस (police) खाते, महापालिका प्रशासन यांच्याशी चर्चा करुन व्यापाऱ्यांनी मार्केट सुरू केले . महापालिका पाथरीवाल्यांवर कारवाई करण्याऐवजी दुकानदारांवर कारवाई करत आहे असे व्यापाऱ्यांनी म्हणणे मांडलेे. तसेच लाठीचार्ज करणाऱ्यांवर कठोर कायदेशीर कारवाई करावी अशी मागणी पिंपरी मार्केट असोसिएशनने केल्याची माहिती अध्यक्ष श्री. आसवांनी यांनी दिली.

Edited By : Siddharth Latkar