- सिद्धेश म्हात्रे

Navi Mumbai Crime News : उरण तालुक्यातील बोकडविरा गावातील एका सत्तर वर्षीय महिलेचा खून झाला आहे. या खूनानंतर संबंधिताने महिलेच्या अंगावरील दागिने गायब केल्याची माहिती समाेर आली आहे. पाेलिस (police) या घटनेचा तपास करीत आहेत. (Maharashtra News)

पाेलिसांनी दिलेल्या माहितीनूसार उरण तालुक्यातील बोकडविरा गावात ललिता ठाकूर या वृद्ध महिलेची तिच्याच घरात (house) भाडेकरू म्हणून राहणाऱ्या अमोल शेलार या संशयित आराेपीने हत्या केली. त्यानंतर ताे घराला कुलूप लावून पळून गेला.

या भाडेकरूने ललिता यांच्याकडून वीस हजार रुपये उसने घेतले होते. त्याच बरोबर ललिता यांच्या अंगावरील दागिने देखील गायब आहेत. यामुळे कपाटातील दागिने आणि पैसे देखील पळवून नेल्याचा संशय व्यक्त करण्यात येत आहे.

ललिता यांचे हातपाय बांधलेल्या अवस्थेत होते तसेच घराला बाहेरून कुलूप असल्याने पोलिसांनी श्वान पथक आणि फिंगरप्रिंट तज्ञांना पाचारण केले. या घटनेमुळे एकट्या राहणाऱ्या जेष्ठ नागरिकांच्या सुरक्षिततेचा प्रश्न ऐरणीवर आला आहे.

Edited By : Siddharth Latkar