संघर्ष गांगुर्डे, साम टीव्ही

Kalyan : अनेक महिन्यांपासून कल्याण पूर्वेत सुरू असलेल्या पाणीटंचाईबाबत महाराष्ट्र नवनिर्माण सेनेने आक्रमक पवित्रा घेतला.निवेदने आंदोलनंतरही आश्वासनापलीकडे पाणी समस्या न सुटल्याने आज मनसे पदाधिकाऱ्यांनी केडीएमसीच्या ड प्रभाग कार्यालयात पाणी पुरवठा अधिकार्याच्या खुर्चीला चपलेचा हार घालत निषेध नोंदवला. यावेळी मनसे पदाधिकाऱ्यांनी पुढील सात दिवसात दोन तास मुबलक पाणी पुरवठा झाला नाही तर थेट आयुक्तांशी "पंगा" घेणार असा सूचक इशारा केडीएमसी प्रशासनाला दिला आहे .त्यामुळे केडीएमसी प्रशासन जागं होतं का… की पुढचा टप्पा ‘पंगा मोर्चा’ असेल? हे येणाऱ्या काळात ठरेल.

कल्याण पूर्व येथील नागरिक गेल्या अनेक महिन्यांपासून नागरिक पाण्यासाठी त्रस्त आहेत. कमी दाबाने अनियमित पाणीपुरवठ्यामुळे नागरिक विशेषता महिला त्रस्त झाल्या आहेत . पाणी समस्येबाबत विविध राजकीय पक्षांनी नागरिकांनी आंदोलने केली निवेदन दिले तक्रारी केल्या मात्र केडीएमसी अधिकाऱ्यांकडून आश्वासन पलीकडे कोणतीच कार्यवाही झालेले नाही.

या निषेधार्थ आज मनसेचे उपशहर प्रमुख योगेश गव्हाणे यांच्या नेतृत्वाखाली मनसे पदाधिकारी कार्यकर्त्यांनी केडीएमसी चे ड प्रभाग कार्यालय गाठले पाणीपुरवठा विभागाच्या अधिकाऱ्याच्या खुर्चीला चपलेचा हार घालत घोषणाबाजी करत निषेध नोंदवला .याबाबत बोलताना मनसेचे उपशहर प्रमुख योगेश गव्हाणे यांनी अधिकाऱ्यांकडे पाठपुरावा सुरू असला तरी मिळतात ते फक्त पोकळ आश्वासने.

सत्ताधाऱ्यांच्या आंदोलनानंतर काही ठिकाणी जास्त पाणी, तर काही ठिकाणी कमी पाणी येतंय .पुढील सात दिवसात दोन तास मुबलक पाणी पुरवठा झाला नाही तर थेट आयुक्तांशी "पंगा" घेणार असा सूचक इशारा केडीएमसी प्रशासनाला दिला आहे .