कल्याण शहर काही दिवसांपासून गुन्हेगारांमुळे चर्चेत आहे. विशााल गवळीने केलेली अल्पवयीन मुलीवर अत्याचार आणि हत्या. या प्रकणामुळे संपूर्ण राज्य तापलं होतं. अशातच पुण्यानंतर आता कल्याणमध्ये देखील पोलिसांचा खाकी पॅटर्न पाहायला मिळाले आहे. कल्याणमध्ये वाढत्या गुन्हेगारीला आळा घालण्यासाठी कल्याण कोळसेवाडी पोलिसांनी गुन्हेगारांना एक वेगळीच शिक्षा दिली आहे.

कल्याणमध्ये सध्या पोलीस पॅटर्न पुन्हा एकदा चर्चेत आला आहे. कल्याण पूर्वेतील कोळसेवाडी परिसरात पोलिसांनी गुन्हेगारांची धिंड काढली असून, याचा व्हिडिओ सोशल माध्यमांमध्ये चांगलाच व्हायरल होत आहे. ज्यामध्ये पोलिसांनी आरोपींना बांधून रस्त्यावरून धिंड काढली आहे. कल्याणमध्ये पोलिसांचं खाकी पॅटर्न पाहून नागरीकांनी पोलिसांचं कौतुक केलं आहे.

कल्याणमध्ये गुन्हेगारांच्या प्रकरणांमध्ये वाढ जरी झाली असली, तरी पोलिसांनी कायम अॅक्शन मोडमध्ये येत योग्य ती कारवाई केली आहे. काही दिवसांपासून कल्याण पुर्वेतील कोळसेवाडी परिसरात चार गुन्हेगारांची दहशत वाढली होती. गेल्या अनेक महिन्यांपासून गुन्हेगारांनी नागरीकांमध्ये दहशत माजवली होती. मात्र, गुन्हेगारांच्या मुसक्या आवळत पोलिसांनी त्यांची चारचौघात धिंड काढली आहे.

रामराव तामंड उर्फ पिंट्या, कृष्णा माळी, प्रतीक माळी, सुमित केदारे अशी चार गुन्हेगारांची नावे असून, त्यांनी काही महिन्यांपासून कल्याण पूर्व परिसरात दहशत माजवली होती. मात्र, पोलिसांनी योग्य कारवाई करत गुन्हेगारांच्या मुसक्या आवळल्या असून, त्यांची भर रस्त्यात धिंड काढली आहे. पुण्यानंतर कल्याणमध्ये खाकी पॅटर्न दिसल्यामुळे नागरीकांनी पोलिसांचं कौतुक केलं आहे.