Viral Video: कल्याणमधील मराठी तरुणीला मारहाण करणाऱ्या गोकुळ झा या आरोपीचा माज अद्याप उतरलेला नाही. गोकुळ झा याला दोन दिवसांची पोलीस कोठडी सुनावण्यात आली होती. आज (२५ जुलै) त्याला न्यायालयासमोर हजर करण्यात आले होते. न्यायालयात हजर होण्यापूर्वी गोकुळने पोलिसांसमोरच पत्रकारांना धमकी दिली. 'परत तुम्हाला भेटतो' अशी धमकी आरोपीने दिली आहे. तेव्हा पोलिसांची आरेरावी पाहायला मिळाली आहे.

कल्याणच्या नांदिवली परिसरातील एका क्लिनिकमध्ये गोकुळ झा याने एका मराठी तरुणीला मारहाण केली होती. ही तरुणी क्लिनिकमध्ये रिसेप्शनिस्ट म्हणून काम करत होता. या मारहाण प्रकरणानंतर गोकुळ झा फरार झाला होता. स्थानिक नागरिक आणि मनसे कार्यकर्त्यांच्या मदतीने पोलिसांनी गोकुळ झा याला केली. तो शिक्षा भोगून नुकताच तुरुंगातून बाहेर आला होता. पोलिसांनी गोकुळसह त्याच्या भावाला, रणजीत झा याला देखील अटक केली.

गोकुळ झा दोन दिवसांसाठी पोलीस कोठडीत होता. त्यानंतर आज त्याला कल्याण सत्र न्यायालयासमोर हजर करण्यात आले. न्यायालयात हजर होण्यापूर्वी त्याने पत्रकारांना धमकावल्याचे पाहायला मिळाले. तुम्ही चुकीचे छापले आहे. तुम्ही चुक केली आहे. लवकरच आपली भेट होईल असे म्हणत गोकुळ झाने पत्रकारांना धमकावले. त्याचा व्हिडीओ सध्या सोशल मीडियावर व्हायरल होत आहे.

आरोपी गोकुळ झा आणि त्याचा भाऊ रणजीत झा यांना कल्याण सत्र न्यायालयाने १४ दिवसांची न्यायालयीन कोठडी सुनावली आहे. गोकुळ झा याच्यावर मानपाडा येथील पोलीस स्टेशनमध्ये गुन्हा दाखल करण्यात आला होता. या गुन्ह्याखाली पोलिसांनी त्याला ताब्यात घेण्याची विनंती पोलिसांनी न्यायालयाकडे केली होती. या विनंतीला न्यायालयाने परवानगी दिली आहे.