निवृत्ती बाबर

J J Hospital News: जे. जे रुग्णालयातील वाद मोठ्या प्रमाणावर वाढला आहे. बुधवारी मोतीबिंदू मुक्त महाराष्ट्राचे समन्वयक डॉ. तात्याराव लहाने यांच्यासह जे. जे. रुग्णालयातील नऊ डॉक्टरांनी आपल्या पदाचा राजीनामा दिला. अशात आपल्या मागण्या पूर्ण न झाल्यास जे. जे प्रश्नी मार्डने सोमवारपासून राज्यव्यापी संपाचा इशारा दिला आहे. (Latets Marathi News)

निवासी डॉक्टरांच्या (Doctor) संपामुळे रुग्णसेवेवर परिणाम होत असताना आपल्या मागण्यांसाठी निवासी डॉक्टर ठाम आहेत. या डॉक्टरांनी वैद्यकीय शिक्षणमंत्री गिरीश महाजन यांना पत्राद्वारे (Letter) मागण्या मान्य न झाल्यास सोमवारपासून राज्यव्यापी आंदोलन करण्यात येईल, असा इशारा दिला आहे.

नेत्रशल्य चिकित्सा विभाग प्रमुख डॉ. रागिणी पारेख आणि डॉ. तात्याराव लहाने यांच्याकडून होत असलेल्या छळाविरोधात आणि इतर मागण्यासाठी जे. जे. रुग्णालयातील ( J J Hospital) निवासी डॉक्टरांनी पुकारलेला आहे तो संप अजूनही सुरुच आहे.

जे जे मधील निवासी डॉक्टरांच्या मागण्या काय?

दोन्ही डॉक्टरांची डॉ. रागिणी पारेख आणि तात्याराव लहाने यांना पदावरून मुक्त करून ती पदे भरा.

18 वैद्यकीय आयोगाच्या नियमानुसार विभागातील पदे भरा.

पहिल्या वर्षाच्या निवासी डॉक्टरांचे तीन महिन्याचे थकित विद्यावेतन द्यावे.

तिसऱ्या वर्षातील निवासी डॉक्टरांची थकित देणी देण्यात यावी.