मुंबई: राष्ट्रवादीचे अल्पसंख्यांक मंत्री नवाब मलिक यांच्या अनुपस्थितीत त्यांचा पदभार सांभाळण्यासाठी राखी जाधव या कार्यध्यक्ष म्हणून आणि नरेंद्र राणे यांची नियुक्ती करण्यात आलीये. राष्ट्रवादीचे प्रदेशाध्यक्ष जयंत पाटील यांनी याबाबतची माहिती दिलीये (Jayant Patil Says Rakhi Jadhav And Narendra Rane Will Be Appointed In The Absence Of Nawab Malik).

नवाब मलिकांच्या राजीनाम्याला राष्ट्रवादीचा विरोध

नवाब मलिक (Nawab Malik) यांच्या अटकेनंतर मुंबईच्या अध्यक्ष पदाचा अतिरिक्त कार्यभार दुसऱ्याकडे जाण्याची शक्यता वर्तवण्यात येत होती. कारण, नवाब मलिक यांचा राजीनामा घेणार नाही, अशी भूमिका राष्ट्रवादीच्या नेत्यांनी घेतली होती. त्यासाठी दोन दिवसांपूर्वी राष्ट्रवादीच्या (NCP) नेत्यांची महत्त्वाची बैठक पार पडली.

अखेर त्यावर राष्ट्रवादीकडून निर्णय घेण्यात आला असून नवाब मलिकांचा पदभार सांभाळण्यासाठी राखी जाधव या कार्यध्यक्ष म्हणून आणि नरेंद्र राणे यांची नियुक्ती करण्यात आलीये.

पालिका निवडणुकीच्या पार्श्वभूमीवर ही नियुक्ती करावी, अशी पदाधिकाऱ्यांची मागणी होती. या दोघांच्या कार्यकाळात मुंबईत राष्ट्रवादी आणखी चांगलं काम करेल, असा विश्वासही जयंत पाटलांनी (Jayant Patil) व्यक्त केला.

Edited By - Nupur Uppal