मुंबई : जागतिक पातळीवर वाढणारी कोविड रुग्णांची संख्या व ओमिक्रॉन व्हेरिएंटमुळे कोविड- १९ वर्किंग ग्रुप ऑफ नॅशनल टेक्निकल अडव्हायजरी ग्रुप ऑन इम्युनायझेशन (NTAGI) तसेच स्टैंडिंग टेक्निकल सायन्टीफीक कमिटी (STSC) of (NTAGI) यांनी कोविड १९ लसीकरण वाढविण्यासाठी निर्देश दिले असून मुंबई महानगरपालिका कार्यक्षेत्रात कोविड-19 (Coronavirus) मोहिमेचा महत्वाचा टप्पा कार्यान्वित होणार आहे . या टप्प्यात लसीकरणसाठी खालील मार्गदर्शक सुचना देण्यात आल्या आहेत .

- सन २००७ वा त्यापूर्वी जन्म वर्ष असलेले लाभार्थी लसीकरणासाठी (Corona Vaccine) पात्र राहतील.

- लाभार्थ्यांना कोविन सिस्टिमवर स्वतःच्या मोबाइल नंबरद्वारे लसीकरणासाठी नोदणी करता येईल.

- ही ऑनलाइन सुविधा दि. १ जानेवारी २०२२ पासून सुरू होईल.

- लसीकरण केंद्राच्या ठिकाणी (onsite) जाऊन नोदणी करण्याची सुविधा सुद्धा उपलब्ध आहे.

- १५ ते १८ वर्षे वयोगटातील लाभर्थ्यासाठी कोविड १९ वर्किंग ग्रुप ऑफ नॅशनल टेक्निकल अँडव्हायझरी ग्रुप ऑन इम्युनायझेशन (NTAGI) यांनी केवळ कोवॅक्सिन लस वापराबाबतच्या सूचना दिल्या आहेत.

Edited By: Pravin Dhamale