पिंपरी - चिंचवड : महापालिका आयुक्त राजेश पाटील यांच्या कार्यालयाच्या बाहेरील असणाऱ्या नावाच्या पाटीवर आशा शेंडगेच्या कार्यकर्त्यांनी शाई फेकत चांगलाच गोंधळ घातला आहे याप्रकरणी भाजप नगरसेविका आशा शेडगेसह काही महिलांना पिंपरी पोलिसांनी ताब्यात घेतलं आहे.(Ink thrown at PCMC Commissioner's Office)

हे देखील पहा-

आशा शेडगे यांच्या प्रभागातील दापोडी परिसरात पालिकेच्या ठेकेदाराकडून स्मार्ट सिटीची कामासाठी खोदकाम केलं जातं आहे. पोलिस प्रोटेक्शन मध्ये आशा शेंडगे यांच्या प्रभागात स्मार्ट सिटीच खोदकाम करण्यात येत आहे. मात्र या खोदकमाचा त्रास नागरिकांना होतोय. असा दावा करत नगरसेविका शेडगे काही महिलांना घेऊन आयुक्त कार्यालयासमोर पोहचल्या.

शेडगे आणि त्यांच्या सहकाऱ्यांचा आयुक्तांच्या अंगावर शाई फेकण्याचा हेतू होता मात्र ती शाई महिला कर्मचाऱ्यांच्या अंगावर पडल्यामुळे या महिलांनी आयुक्तांच्या नावाच्या पाटीवरती शाई फेकली. त्यामुळे महापालिकेच्या इमारतीत काहीकाळ गोंधळ उडाला होता.

दरम्यान पोलिसांना पाचारण केल्यानंतर पोलिसांनी भाजप नगरसेविका शेडगे सह अन्य महिलांना ताब्यात घेतलं आहे. तसेच आशा शेडगे यांनी केलेले कृत्य हे लोकशाही मार्गाला शोभणार नसून आम्ही त्यांच्या कृत्याची निंदा करतो. असं पिंपरी-चिंचवड महापालिकेतील सत्ताधारी भाजपने म्हटलं आहे.

Edited By - Jagdish Patil