मुंबई: बृहन्मुंबई महानगरपालिकने (BMC) मुंबईतील गणेश भक्तांच्या विनंतीचा मान राखत गणेश मंडळ मंडपाना परवानगी देण्याची मुदत वाढवली आहे. यासाठी पालिकेने गणेश मंडळांचे पदाधिकारी आणि मुंबईकर नागरिकांना उद्देशून एक परिपत्रक काढलं असून त्याद्वारे ही मुदत वाढविल्याची माहिती मुंबईकरांना (Mumbai) दिली आहे.

बृहन्मुंबई क्षेत्रात गणेश मंडळ मंडपाना परवानगी देण्याची अंतिम मुदत मंगळवार दिनांक २३ ऑगस्ट २०२२ अशी निश्चित करण्यात आली होती. मात्र, विविध गणेश भक्त व मंडळांनी त्यास मुदतवाढ देण्याची विनंती बृहन्मुंबई महानगरपालिका प्रशासनाकडे केली होती.

पाहा व्हिडीओ -

या विनंतीचा मान राखून, बृहन्मुंबई महानगरपालिका प्रशासनाने गणेशोत्सव मंडप परवानगी अर्ज सादर करण्याची मुदत शुक्रवार, दिनांक २६ ऑगस्ट २०२२ रोजी सायंकाळी ५:३० वाजेपर्यंत वाढवली आहे, अशी माहिती उपायुक्त (परिमंडळ- २) तथा सार्वजनिक गणेशोत्सव समन्वयक श्री. हर्षद काळे यांनी दिली आहे. त्यामुळे आता ज्या मंडळांनी मंडप परवानगी काढली नव्हती त्यांना उद्यापर्यंत परवानगी काढता येणार आहे.