- सिद्धेश म्हात्रे

नवी मुंबई येथील एपीएमसी मसाला मार्केटमध्ये ड्रायफ्रूटचा राजा समजल्या जाणाऱ्या बदामाला फोडण्याचा कारखाना उभारला गेला. हा कारखाना अनाधिकृत असून पदपथावरच बदाम फाेडण्याचा प्रकार सुरु असल्याचा एक व्हिडिओ देखील समाज माध्यमातून व्हायरल हाेऊ लागला आहे. अस्वच्छ ठिकाणी बदाम फाेडण्याच्या प्रकारामुळे नागरिकांच्या आराेग्याला धाेका पाेहचू शकताे याचे भान एपीएमसी प्रशासनाने ठेवणे आवश्यक बनले आहे.

एपीएमसीच्या संचालकांच्या आशीर्वादाने बदामची प्रोसेसिंग युनिट उभारण्यात आले आहे की काय असा प्रश्न उपस्थितीत हाेऊ लागला आहे. यासोबतच गाळ्या बाहेरील पदपथाच्या बाहेर बदामाचे पॅकेजिंग करण्यात येत आहे.

त्यामुळे अनधिकृतपणे उभारण्यात आलेल्या या प्रोसेसिंग युनिटवर एपीएमसी प्रशासन कारवाई करणार का हे पाहणे महत्वाचे ठरणार आहे. दरम्यान या गाेष्टीवर अन्न व औषध प्रशासन विभाग देखील लक्ष देणार का असा प्रश्न उपस्थित हाेत आहे.

Edited By : Siddharth Latkar