सिद्धेश म्हात्रे -

मुंबई : भाजप नेते आमदार गणेश नाईक (Ganesh Naik) यांच्यावर एका महिलेने लैंगिक शोषणाचा आरोप केल्यामुळे त्यांना अटक होण्याची शक्यता आहे. मात्र, गणेश नाईक यांनी ठाणे सत्र न्यायालयात (Thane Sessions Court) अटकपूर्व जामिनासाठी अर्ज केला असून जर नाईकांना अटकपूर्व जामीन भेटला. तर माझ्याह मुलाच्या जीवाला धोका असल्याचं वक्तव्य पीडित महिलेने केलं आहे.

गणेश नाईक यांच्या विरोधात तक्रार करणाऱ्या पीडित महिलेने आपल्या जीवाला धोका असल्याचं सांगण्यासाठी एक व्हिडीओ प्रसारमाध्यमांकडे सुपुर्त केला आहे. या Video मध्ये तिने राज्य सरकारने आपणाला दिलेल्या संरक्षणाबबात आभार मानले असून सरकारने आतापर्यंत मला खूप मदत केली असल्याचंही सांगितलं आहे.

पाहा व्हिडीओ -

दरम्यान, गणेश नाईकांना जामीन मिळाला आणि त्यांची सुटका झाली तर माझ्या जीवाला धोका आहे. ते माझ आणि मुलाचं अपहरण करतील तसंच दबावाने माझ्याकडून काहीही लिहून घेऊ शकतात. यासाठी मला जनतेच्या सहकार्याची गरज असल्याची विनंती पीडित महिलेने व्हिडिओ द्वारे केली आहे. हा व्हिडीओसध्या सोशल मीडियावरती (Social Media) चांगलाच व्हायरल होत आहे.

Edited By - Jagdish Patil