पुणे: पुण्यामध्ये चक्क नवऱ्याने न विचारता पाणीपुरी आणल्याने नवरा बायकोत वाद झाल्याने बायकोने या वादानंतर विषारी औषध पिऊन आत्महत्या केल्याची घटना घडली आहे. नवरा बायकोत या कारणावरून तब्बल तीन दिवस वाद सुरू होता. भारती विद्यापीठ पोलीस स्टेशनच्या हद्दीत ही घटना घडली. प्रतिक्षा गहिनीनाथ सरवदे (वय 23) असे आत्महत्या केलेल्या विवाहितेचे नाव आहे. याप्रकरणी पती गहिनीनाथ सरवदे (वय 33) याला पोलीसांनी अटक केली आहे. याबाबत प्रकाश भिसे (वय 55) यांनी भारती विद्यापीठ पोलीस ठाण्यात तक्रार दिली आहे.

मृत प्रतीक्षा आणि बहिणींना यांचे 2019 मध्ये लग्न झाले होते. या दोघांनाही एक मुलगा आहे. गहिनीनाथ पुण्यातील एका चांगल्या कंपनीत कामाला होता. बायको मात्र बीड जिल्ह्यातील गावात राहत होती. काही दिवसांपूर्वी त्याने बायकोला पुण्यात आणले होते.

तीन दिवसांपूर्वी कामावरून घरी परत जात असताना गहिनीनाथने पाणीपुरी नेली होती. परंतु घरी गेल्यानंतर मला न विचारता पाणीपुरी का आणली असे सांगत प्रतिक्षाने भांडण करण्यास सुरुवात केली. याच कारणावरून त्यांच्या मागील दोन दिवसांपासून वाद सुरू होते. याच वादातून प्रतिक्षाने शनिवारी राहत्या घरात विषारी औषध प्राशन करून आत्महत्या करण्याचा प्रयत्न केला. नंतर तिला रुग्णालयात दाखल करण्यात आले होते. परंतु उपचार सुरू असताना रविवारी तिचा मृत्यू झाला. भारती विद्यापीठ पोलिसांनी या प्रकरणी गुन्हा दाखल केला असून अधिक तपास सुरू आहे.

Edited By: Pravin Dhamale