- सिद्धेश म्हात्रे

Navi Mumbai News :

एपीएमसी (Agriculture Produce Market Committee) फळ बाजारात हापूस आंब्याची (alphonso mango) मोठी आवक झाली आहे. हापूस आंब्याच्या तब्बल साडे तीनशे पेट्या एपीएमसी फळ बाजारात दाखल झाल्या आहेत. जानेवारी महिन्यात एवढी आवक ही ऐतिहासिक असल्याचे व्यापा-यांसह संजय पानसरे (संचालक, एपीएमसी फळ बाजार) यांनी साम टीव्हीशी बाेलताना सांगितले. (Maharashtra News)

एपीएमसी फळ बाजारात जानेवारीच्या दुस-या आठवड्यापासून आंब्याची आवक हाेऊ लागली आहे. यामुळे आंबा विक्रेत्यांमध्ये चैतन्याचे वातावरण निर्माण झाले. आता पुन्हा जानेवारीच्या शेवटच्या आठवड्यात हापूस आंब्याची माेठ्या प्रमाणात आवक झाली आहे.

दरम्यान यंदा आंब्याचा हंगाम हा मोठा असला तरी एप्रिल महिन्यात होणारी आवक कमी असेल असा अंदाज देखील व्यापाऱ्यांनी व्यक्त साम टीव्हीशी संवाद साधताना व्यक्त केला. सध्या हापूस आंब्याची पेटी 7 हजार ते 12 हजार रुपयांना मिळत आहे. एका पेटीत साधारणत: चार ते पाच डझन आंबे असतात. हापूस आंबा खाणा-यांत देखील आनंदाचे वातावरण आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar