गोरेगाव-मुलुंड लिंक रोडचा महत्त्वाचा टप्पा पूर्ण होणार आहे. या कामानंतर हा रस्ता सर्वसामान्यांसाठी सुरु करण्यात येईल. मे महिन्याच्या अखेरीस हा टप्पा सुरु करण्यात येईल. यामुळे या मार्गावरील वाहतूक कोंडी कायमची कमी होईल.

गोरेगाव मुलुंड लिंक रोडवर १.२ किलोमीटरचा फ्लायओव्हर तयार केला जात आहे. या पुलाचे काम आता अंतिम टप्प्यात आले आहे. गेल्या अनेक वर्षांपासून या पुलाचे काम सुरु आहे. हा मार्ग दिंडोशी कोर्ट ते गोरेगाव फिल्म सिटीपर्यंत असणार आहे. हा मार्ग पावसाळ्याआधी सुरु करण्याचे मुंबई महापालिकेचे उद्दिष्ट आहे.

कसा असणार हा मार्ग?

गोरेगाव मुलुंड लिंक रोड १२.२ किलोमीटर लांब असणार आहे. मुंबईच्या पूर्व आणि पश्चिमेला जोडण्यासाठी हा पुल तयार करण्यात आला आहे. या कॉरिडोरमध्ये अंडरग्राउंड टनल, फ्लायओव्हर आणि इंचरचेंज असणार आहे. या मार्ग सुरु झाल्यानंतर पूर्व मुंबई आणि मुंबई पश्चिम जोडली जाणा आहे. सध्या फ्लायओव्हरच्या पहिल्या टप्प्याचे काम पूर्ण होत आले आहे. हा पूल दिंडोशी कोर्टापासून सुरु होणार आहे पुढे संजय गांधी राष्ट्रीय उद्यानाजवळ संपणार आहे. यामुळे मुंबई पूर्व, पश्चिम जोडले जाणार आहे. या मार्गामुळे वेस्टर्न हायवेवरील वाहतूक कोंडी खूप कमी होण्याची शक्यता वर्तवली जात आहे.

काम अंतिम टप्प्यात

सध्या या फ्लायओव्हरचे काम शेवटच्या टप्प्यात आहे. मे महिन्याच्या शेवटच्या आठवड्यात किंवा जूनच्या पहिल्या आठवड्यात हा मार्ग सुरु केला जाण्याची शक्यता आहे. सध्या मुंबईत सांताक्रूझ-चेंबूर लिंक रोड, अंधेरी घाटकोपर लिंक रोड, जोगेश्वरी-विक्रोळी लिंक रोड या मार्गांवरीलही वाहतूक कोंडी कमी होणार आहे. यामुळेच गोरेगाव मुलुंड लिंक रोड तयार करण्याचा निर्णय घेतला आहे. २०२८ पर्यंत या मार्गाचे काम पूर्ण करण्याचे लक्ष्य आहे. चार टप्प्यांमध्ये हे काम पूर्ण केले जाणार आहे.