Pune GBS News : जीबीएस आजाराने पुण्यात थैमान घातले आहे. येथे जीबीएस आजाराच्या रूग्णांची संख्या १२७ वर पोहचली आहे. जीबीएस आजारामुळे राज्यात दुसरा बळी गेलाय. पहिला मृत्यू सोलापूरमध्ये झाला होता, तर दुसरा मृत्यू पुण्यात झालाय. सोलापुरात मृत्यू झालेल्या रूग्णांच हिस्ट्री पुण्यातीलच आहे. त्याला पुण्यात जीबीएस आजार झाला होता.

बुधवारी पुण्यात जीबीएस आजारामुळे एकाचा मृत्यू झालाय. ससूनमध्ये उपचार सुरू असताना मृत्यू झाला. पुण्यातील जीबीएस आजाराच्या रूग्णांची संख्या १२७ वर पोहचली आहे. राज्यातील गुइलेन बॅरे म्हणजे जीबी सिंड्रोमची रुग्णसंख्या १२७ वर पोहोचली असून,आणखी एका रुग्णाचा मृत्यू झाला आहे.

सोलापूरात दोन-तीन दिवसांपूर्वी एका रुग्णाचा मृत्यू झाला होता, त्यानंतर आणखी एका रुग्णाच्या मृत्यूची नोंद झाली आहे. ससून सर्वोपचार रुग्णालयात ५६ वर्षीय महिलेचा जीबीएसने मृत्यू झाला आहे. जीबीएसच्या रुग्णसंख्येत वाढ सुरू झाल्यापासून राज्यात मृत्यू झालेला हा दुसरा रुग्ण ठरला आहे.

राज्यात जीबीएसची रुग्णसंख्या आता १२७ झाली असून, त्यातील २० जण व्हेंटिलेटरवर आहेत. राज्यातील रुग्णांमध्ये २३ रुग्ण हे पुणे महापालिका क्षेत्रातील असून, ७३ रुग्ण हे महापालिकेत नव्याने समाविष्ट झालेल्या गावांतील आहेत.

याचबरोबर पिंपरी-चिंचवड महापालिका क्षेत्रातील १३, पुणे ग्रामीणमधील ९ आणि इतर जिल्ह्यांतील ९ रुग्ण आहेत. राज्यातील एकूण रुग्णांपैकी ७२ रुग्णांचे जीबीएसचे निदान झालेले आहे, असेही आरोग्य विभागाने स्पष्ट केले आहे.