GB Syndrome Outbreak News : महाराष्ट्रातील आरोग्यव्यवस्थेचं लक्ष सध्या पुण्याकडे लागून राहिलंय. कारण राज्याच्या सांस्कृतिक राजधानीचं आरोग्य बिघडलंय. पुण्यात जीबी सिंड्रोमनं डोकं वर काढलं असून पहिल्यांदाच एकाच दिवसात जीबी सिंड्रोम बाधित 28 नवे रुग्ण समोर आल्यानं खळबळ माजलीये. जीबी सिंड्रोम बाधित रुग्णांची संख्या आता एकाच आठवड्यात पाचपट झालीये. पुण्यात जीबी सिंड्रोमची सध्यस्थिती काय पाहुया.

पुण्याला जीबी सिंड्रोमचा विळखा

- पुण्यात जीबी सिंड्रोम बाधित रुग्ण संख्या 101 वर

- एकाच दिवसात 28 नवे रुग्ण समोर

- जीबी सिंड्रोम बाधित एका रुग्णाचा रविवारी मृत्यू

- 16 रुग्णांची प्रकृती चिंताजनक

- बाधित रुग्णांवर कमला नेहरू रुग्णालयात मोफत उपचार

जीबी सिंड्रोमचा वाढता उद्रेक पाहता आरोग्य प्रशासन अँक्शनमोडमध्ये आलंय. तसंच नागरिकांना देखिल या आजारापासून बचावासाठी प्रशासनानं आवाहन केलंय. अशुद्ध अन्नपदार्थ आणि प्रदुषित पाण्यामुळे पसरणाऱ्या या आजारानं राज्याच्या आरोग्य व्यवस्थेसह राज्यातील १३ कोटी नागरिकांची चिंता वाढवलीये. हा आजार कसा आणि कधी आटोक्यात येतो याचीच आता प्रत्येकाला प्रतिक्षा आहे. या आजारावर मात करण्यासाठी प्रत्येकानं सजग राहणं देखिल अत्यंत महत्त्वाचं आहे.