गणपती सणाच्या पार्श्वभूमीवर मुंबईतून कोकणात जाणाऱ्या चाकरमान्यांची संख्या मोठ्या प्रमाणावर असते. याच काळात खाजगी वाहतूक करणाऱ्या बस चालकांकडून प्रवाशांकडून अव्वाच्या सव्वा पैसे आकारले जाते.
मात्र आता याच बस चालकांच्या मनमानीला आळा बसवण्यासाठी अंधेरी आणि बोरिवली आरटीओने कंबर कसली असून बस चालकांकडून होणाऱ्या लुटीवर नियंत्रण ठेवण्यासाठी फ्लाईंग स्कवॉड तयार केले आहेत. (Latest Marathi News)
त्यांच्या मदतीने प्रवाशांना लुटणाऱ्या बस चालकांवर कारवाई करण्यास सुरुवात झाली आहे. आरटीओने गणेश भक्तांसाठी एक हेल्पलाइन नंबर आणि ईमेल आयडी देखील उपलब्ध करून दिला असून जे बस चालक प्रवाशांकडून अधिक पैसे मागतात अशा बसचालकांची तक्रार करण्याचे आवाहन मुंबई प्रादेशिक वाहतूक विभागाकडून करण्यात आले आहे.
मोबाईल नंबर ८५९१९४४७४७, इमेल mh47autotaxicomplaint@gmail.com या मोबाईल नंबर आणि ईमेल आयडी वर प्राप्त झालेल्या तक्रारीवरून परिवहन विभाग बस चालक आणि कंपनीवर मोटर वाहन अधिनियमातील तरतुदी अंतर्गत कारवाई केली जाणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.