Mumbai News :

अंगावर शिंकल्याच्या रागातून १६ वर्षांच्या मुलाने मित्राचा चेहरा जाळल्याचा प्रकार अंधेरीत घडला आहे. जखमी मुलाला कूपर रुग्णालयात उपचारासाठी दाखल करण्यात आले आहे. याप्रकरणी १६ वर्षांच्या मुलाविरोधात डीएन नगर पोलीस ठाण्यात गुन्हा दाखल करण्यात आला आहे.  ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

आरोपी आणि पीडित दोघेही मित्र बुधवारी भेटले होते. त्यावेळी मोबाइलवर खेळत असताना पीडित मुलगा आरोपी मुलाच्या अंगावर शिंकला. यामुळे रागावलेल्या मित्राने मुलाच्या चेहऱ्यावर सॅनेटायजर फेकले व लायटरने त्याचा चेहरा जाळला. अंधेरीच्या गोल डोंगरी रोड येथे ही घडली आहे. (Mumbai News)

डीएन नगर पोलिसांनी सांगितले की, 26 डिसेंबर रोजी झालेल्या वादातून ही संपूर्ण घटना घडली होती. जेव्हा पीडित मुलगा त्याच्या मित्रासोबत मोबाईल फोनवर गेम खेळत होता. दरम्यान पीडित मुलगा मित्राच्या अंगावर शिंकला. त्यामुळे संतापलेल्या मित्राने त्याच्या चेहऱ्यावर सॅनिटायझर फेकले आणि लायटरने त्याचा चेहरा जाळला. पीडित मुलाच्या चेहऱ्यावर डाव्या बाजूला, कानाला आणि मानेला जखमा झाल्या आहे.

डीएन नगर पोलिसांनी सांगितलं की, मुलाला चाईल्ड वेल्फेअर कमिटीसमोर हजर करण्यात आले आणि त्याचे समुपदेशन करण्यात आले.