मुंबई : दिवसेंदिवस दुचाकी चोरीच्या घटनांमध्ये वाढ (Bike Robbery) होताना दिसत आहे. वसई परिसरातही दुचाकी चोरट्यांनी धुमाकूळ घातला असून घरफोड्याही करत आहेत. वसई परिसरात चोरीच्या घटनांना (Vasai Robbery Crime) आळा घालण्यासाठी पोलिसांनीही कठोर कारवाई करण्यास सुरुवात केली आहे. वसई वालीव पोलिसांनी पाच दुचाकी चोरट्यांच्या मुसक्या (Five culprit arrested) आवळल्या असून त्यांच्याकडूनल एकूण ५ लाख ६६ हजार किमतीच्या दुचाकी हस्तगत केल्या आहेत.

पोलिसांनी दिलेल्या माहितीनुसार, वसईत झालेल्या चोरीच्या घटनांचा छडा लावण्यासाठी वालीव पोलिसांनी धडक मोहीम हाती घेतली आहे. दुचाकी चोरणाऱ्या पाच चोरट्यांना पोलिसांनी अटक केली आहे. या आरोपींवर १८ दुचारी चोरी केल्याप्रकरणी गुन्हे दाखल आहेत.

प्रमुख आरोपी सलीम शेख हा कॅटरर्सचे काम करत होता. रात्री घरी येताना उशीर झाला की, रस्त्यात दिसणाऱ्या कोणतीही दुचाकी घेऊन तो पसार व्हायचा. त्याचे मित्र हे चोरीच्या दुचाकी विकण्याचे काम करत होते. या प्रकरणी पाच आरोपींना अटक करण्यात आली आहे.

Edited By - Naresh Shende