प्राची कुलकर्णी

पुणे: स्मशानभूमीत मृतदेहला अग्नी देत असताना अचानक भडका उडाल्याने ११ जण जखमी झाल्याची धक्कादायक घटना पुण्यात (Pune) घडली आहे. पुण्यात संगमवाडी भागात कैलास स्मशानभूमीत (Cemetery) ही धक्कादायक घटना घडली आहे. जखमींना जवळच्या रुग्णालयात (hospital) दाखल करण्यात आले आहे. या घटनेची माहिती मिळताच घटनास्थळी अग्निशमन दलाच्या जवानांनी धाव घेत बचावकार्याला सुरूवात केली आहे. (fire broke out while setting fire to a dead body in a cemetery 11 injured)

हे देखील पाहा-

या घटनेत ११ जण जखमी झाले असून, २ जण गंभीररित्या जखमी झाले आहे. या घटनेमुळे परिसरात मोठ्या प्रमाणात खळबळ उडाली आहे. दरम्यान, या अचानक भडका उडण्याच्या घटनेचा पोलीस (Police) तपास करत आहेत. अग्निशामक विभागाच्या अधिकार्‍यांनी दिलेल्या माहितीनुसार, संगमवाडी कैलास स्मशानभूमीत एका ४० वर्षीय व्यक्तीचा मृतदेहावर अंत्यसंस्कार करण्यात येणार होते. अंत्यसंस्कार करण्यासाठी त्या व्यक्तीचे नातेवाईक आले होते.

मिळालेल्या माहितीनुसार, मृतव्यक्तीच्या नातेवाईकांनी मृतदेहावर ठेवण्यात आलेल्या लाकडांवर ज्वलनशील पदार्थ टाकला होता. यानंतर मृतदेहाला अग्नी देण्यात आला. यावेळी अचानक भडका उडाल्याने जवळ उभे असलेले ११ जण जखमी झाले आहेत. तर २ जण गंभीररित्या जखमी झाले आहेत. दरम्यान, यातील सर्व जणांवर रुग्णालयात उपचार सुरू असल्याची माहिती समोर आली आहे.

Edited By- Digambar Jadhav