राष्ट्रवादी काँग्रेस पक्षाचे युवक प्रदेशाध्यक्ष मेहबूब शेख यांच्याविरोधात मरीन ड्राईव्ह पोलीस ठाण्यात गुन्हा दाखल करण्यात आला आहे. अॅट्रोसिटीच्या कलमाअंतर्गत हा गुन्हा दाखल झाला आहे. मेहबूब शेख हे आमदार निवासमधील खोली क्रमांक ४०६ मध्ये असताना त्यांनी एका तरुणाला मारहाण केल्याचा आरोप आहे. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
विशेष म्हणजे या प्रकरणी फिर्यादी तरुणावरही गुन्हा दाखल करण्यात आल्याची माहिती आहे. पोलिसांनी दोघांवरही क्रॉस एफआयआर दाखल केला आहे. मेहबुब शेख यांची रात्री उशिरापर्यंत मरीन ड्राईव्ह पोलीस चौकशी करीत होते. याप्रकरणात अद्याप कुणालाही अटक करण्यात आलेली नाही. (Latest Marathi News)
मेहबुब शेख हे गुरुवारी (२८ डिसेंबर) मुंबईतील आकाशवाणी आमदार निवास येथील खोली क्रमांक ४०६ मध्ये थांबले होते. यावेळी एक तरुण मद्यधुंद अवस्थेत तिथे आला आणि शेख यांच्याकडे मुक्कामाचा हट्ट करू लागला.
मद्यधुंद अवस्थेत असल्याने शेख यांनी या तरुणाला खोलीवर येण्यास मज्जाव केला. यावरुन दोघांमध्ये बाचाबाची झाली. यावेळी झालेल्या बाचाबाचीनंतर शिवीगाळ केल्याने मेहबूब शेख यांच्याकडून मारहाण झाल्याचा आरोप फिर्यादी तरुणाने केला आहे.
मेहबूब शेख यांनी जातीवाचक शिवीगाळ करून आपल्याला मारहाण केल्याच्या आरोप तरुणाने केला. तसेच ॲट्रॉसिटी अंतर्गत गुन्हा दाखल करावा, अशी तक्रार फिर्यादीने केली. या प्रकरणी पोलिसांनी (Police) मरीन ड्राईव्ह पोलिसांनी मेहबूब शेख यांना चौकशीसाठी बोलावले होते.
गुरुवारी दुपारी १ वाजेपासून रात्री ८ वाजेपर्यंत मेहबूब शेख यांची चौकशी सुरू होती.जवळपास ७ तासांच्या चौकशीनंतर मरीन ड्राईव्ह पोलिसांनी मेहबुब शेख यांच्याविरोधात ॲट्रॉसिटी अंतर्गत गुन्हा दाखल केला आहे. तक्रारदार तरुणाविरोधात देखील गुन्हा दाखल झाल्याची माहिती आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.