बारामती  - पारवडी येथे कोयत्याने वार करून बापाने सावत्र मुलाचा खून केल्याची धक्कादायक घटना उघडकीस आली आहे. झाडीत लपलेल्या आरोपीला तालुका पोलीस स्टेशनच्या गुन्हेशोध पथकाने अटक केली आहे. याबाबत पोलीस निरीक्षक महेश ढवाण यांनी अधिक माहिती दिली आहे. पोलिसांनी सावत्र मुलाचा खुन करुन पसार झालेला आरोपी ३ तासाच्या आत अटक केली आहे. 

हे देखील पहा -

पारवडी गावच्या पोलीस पाटीलांनी कातकरी समाजातील एकाने स्वतःच्या सावत्र मुलाचा कोयत्याने वार करुन खून केल्याची माहिती दिली. त्यानंतर पोलीस निरीक्षक महेश ढवाण हे घटनास्थळी दाखल झाले. मारुती साधुराम जाधव मजुरीचे काम करायचा. त्याचे आपल्या सावत्र मुला गोपीनाथसोबत काही घरगुती कारणावरून भांडण झाले होते.  

त्या रागात मारुतीने स्वतःच्या मुलाच्या डोक्यात कोयत्याने वार करत खून केला. त्यानंतर आरोपी पसार झाला. आरोपी अटक करण्यासाठी गुन्हेशोध पथकाने तत्काळ शोधमोहीम सुरू केली. सदर आरोपी अटक करणे जिकीरीचे काम होते कारण आरोपी मोबाईल वापरात नव्हता. तसेच त्याचे कोणी नातेवाईक देखील नव्हते.  पोलीस निरीक्षक ढवाण यांच्या सूचने प्रमाणे गुन्हेशोध पथकाने घटना स्थळापासून १० ते १५ किमी चा टप्पा पायी चालत शोधमोहीम राबवली. त्यानंतर झाडीत लपलेल्या आरोपीस पोलिसांनी अवघ्या ३ तासात ताब्यात घेतले.

Edited By - Shivani Tichkule