अभिजीत देशमुख

Kalyan News :

कल्याणजवळील मोहने परिसरातील एका २० वर्षीय तरुणीचा डेंग्यूमुळे मृत्यू झाल्याची घटना समोर आली आहे. या घटनेमुळे परिसरात भीतीचे वातावरण पसरले आहे. प्राची तरे असे या तरुणीचे नाव असून ती तरुणी इंजिनियरींगचे शिक्षण घेत होती.

काही दिवसांपासून प्राचीला ताप येत होता. परिसरातील खाजगी डॉक्टरांकडून तिच्यावर औषध उपचार करण्यात आले. मात्र प्रकृतीत सुधारना न झाल्याने केली तिची ब्लड टेस्ट केली असता तिला डेंग्यू झाल्याये निदान झाले.

त्यानंतर तिला उपचारासाठी कल्याणातील रुग्णालयात नेले जात असताना रस्त्यातच तिचा मृत्यू झाला. रुग्णालयात पोहोचल्यानंतर डॉक्टरांनी तिला मृत घोषित केले. कल्याण डोंबिवली महानगरपालिका क्षेत्रात गेल्या दिवसांपासून डेंग्यू, मलेरिया, कावीळसह ताप येणाऱ्या रुग्णात होत वाढ होत आहे. (Latest Marathi News)

कल्याण डोंबिवली महापालिका परिसरात आतापर्यंत डेंग्यूचे सुमारे 96 रुग्ण आढळून आले आहेत. याबाबत महापालिकेच्या आरोग्य विभागाने संबंधित तरुणीचा अधिकृत अहवाल आपल्याकडे प्राप्त झाला नसल्याचे सांगितलं आहे.