मुंबई: मुख्यमंत्री एकनाथ शिंदे (Eknath Shinde) यांनी गेल्या दोन दिवसांपासून महाराष्ट्र दौरा सुरू केला आहे. राज्यभरात जाऊन शिंदे गटाचा मेळावा घेत, सत्कार स्वीकारत आहेत. या कार्यक्रमातील मुख्यमंत्र्यांची भाषणे सोशल मीडियावर व्हायरल होत आहेत. काल मुख्यमंत्री शिंदे यांच्या भाषणाचा एक व्हिडीओ व्हायरल झाला आहे. या व्हिडीओवरुन शिंदे यांना नेटकऱ्यांनी ट्रोल केले आहे.

मुख्यमंत्री एकनाथ शिंदे यांची मालेगाव येथे सभा होती. या सभेतील भाषणात शिंदे यांनी त्यांच्या कामाची माहिती दिली. बोलताना शिंदे यांनी एक विमानातील किस्सा सांगितला, पण हा किस्स्याची सोशल मीडियावर थट्टा सुरू झाली आहे. (Eknath Shinde Latest News)

मालेगाव येथील सभेत बोलताना एकनाथ शिंदे (Eknath Shinde) म्हणाले, मी एकदा विमानातून येत होतो, यावेळी मला लिलावती रुग्णालयातील डॉक्टरांना फोन करायचा होता. यावेळी मी विमानातील पायलटला सांगितले, पाच मिनिटे विमान थांबवा. मला महत्वाचा फोन करायचा आहे. यावेळी त्या पायलटने १० मिनिटे विमान थांबवले. मुख्यमंत्र्यांच्या या किस्स्याची चर्चा सोशल मीडियावर सुरू आहे.

सोशल मीडियावर हा व्हिडीओ चांगलाच व्हायरल झाला आहे. यावरुन सोशल मीडियावर आरोप-प्रत्यारोप सुरू आहेत. पण मुख्यमंत्री एकनाथ शिंदे (Eknath Shinde) यांनी या भाषणात विमान नेमकं कुठे थांबवले हे सांगितलेले नाही. त्यामुळे आता हा व्हिडीओ सोशल मीडियावर चांगलाच व्हायरल झाला आहे.