मुंबई: शिवसेनेचे (ShivSena) ज्येष्ठ नेते एकनाथ शिंदे यांच्यासह ४० आमदारांनी बंडे केल्याने राज्यातील महाविकास आघाडी सरकार अडचणीत आले आहे. विधान परिषद निवडणूक निकालाच्या दुसऱ्याच दिवशी सेनेच्या आमदारांनी बंड केले. शिवसेनेच्या ४० पेक्षा अधिक आमदारांनी बंड केले आहे. महाविकास आघाडी सरकारमध्ये मंत्रीपद असणाऱ्या शिवसेनेच्या नेत्यांनीच बंड केल्यामुळे खळबळ उडाली आहे. आता एकनाथ शिंदे (Eknath Shinde) गट भाजपसोबत सरकार स्थापन करणार असल्याचे बोलले जात आहे.

एकनाथ शिंदे गटातील आमदारांना उपमुख्यमंत्री पदासह अनेक कॅबिनेट मंत्रीपद मिळणार असल्याचे बोलले जात आहे. बंडखोर आमदार भाजपसोबत जात सरकार स्थापन करणार असल्याचे बोलले जात आहे. एकनाथ शिंदे गटातील मंत्री पदांची यादी साम टीव्हीला मिळाली आहे.

कोणाला मिळणार मंत्रीपद?

महाविकास आघाडी सरकार (Mahavikas Aghadi) मध्ये मंत्रीपद असणाऱ्या नेत्यांना मंत्रीपद मिळणार असल्याचे बोलले जात आहे. एकनाथ शिंदे यांना उपमुख्यमंत्रीपद मिळणार आहे. तर दादा भुसे यांना कॅबिनेट मिळणार आहे. संदीपान भुमरे यांनाही मंत्रीपद मिळणार आहे. गलाबराव पाटील, उदय सामंत, अब्दुल सत्तार, बच्चू कडू, राजेंद्र यड्रावकर यांच्यासह संजय राठोड यांचेही पुर्नवसन होणार असल्याचे बोलले जात आहे.

कारवाईविरोधात एकनाथ शिंदे गट सुप्रीम कोर्टात

राज्यात गेल्या काही दिवसापासून राजकीय संघर्ष सुरू आहे. शिवसेनेतील (ShivSena) ज्येष्ठ नेते एकनाथ शिंदे यांनी ४० आमदारांसह बंड पुकारले आहे, त्यामुळे आता महाविकास आघाडी सरकार अडचणीत आले आहे. शिवसेनेने १५ आमदारांविरोधात कारवाई करण्यास सुरूवात केली आहे. एकनाथ शिंदे गटाच्या १५ आमदारांनी आता सुप्रीम कोर्टात धाव घेतली आहे. या संदर्भात आज सुप्रीम कोर्टात (Supreme Court) सुनावणी होणार आहे.

सुप्रीम कोर्टात (Supreme Court) आज जस्टीस सूर्यकांत आणि जस्टीस पारडीवाला यांच्या बेंच समोर सुनावणी होणार आहे. या प्रकरणाच्या सुनावणीत उपसभापती, राज्य विधानसभेचे सचिव, महाराष्ट्र सरकार, शिवसेनेचे उपनेते अजय चौधरी, शिवसेनेचे सुनील प्रभू आदींचा समावेश आहे. तसेच बंडखोरी केलेल्या आमदारांच्याकडून ज्येष्ठ वकील हरीश साळवे बाजू मांडणार आहेत. तसेच शिवसनेकडून ज्येष्ठ वकील अभिषेक मनु सिंघवी युक्तिवाद करणार आहेत.

Edited By- Santosh Kanmuse