मुंबई : एकनाथ शिंदे यांच्या नेतृत्वाखाली शिवसेनेच्या जवळपास ४० आमदारांनी बंडखोरी करत उद्धव ठाकरे यांनी महाविकास आघाडीतून बाहेर पडावं, अशी मागणी केली आहे. मात्र, आता शिवसेनेने देखील या आमदारांसह गटनेते एकनाथ शिंदे आणि शिवसेनेमधील (Shivsena) मंत्र्याच्या विरोधात कारवाईचं सत्र सुरु केलं आहे.

या आमदारांपैकी गटनेते एकनाथ शिंदे (Eknath shinde) कृषीमंत्री दादा भुसे, मंत्री गुलाबराव पाटील आणि गृहराज्यमंत्री शंभूराजे देसाई यांची मंत्रीपद आता अडचणीत आली आहेत. कारण उद्धव ठाकरे आता या मंत्र्यांविरोधत लवकरच निर्णय घेणार आहेत. शिवाय त्यांची मंत्रीपद काढून घेण्याचा निर्णय होण्याची शक्यता वर्तवली जात आहे.

हे देखील पाहा -

दरम्यान, सेनेकडून या बंडखोरांपैकी १६ आमदारांची आमदारकी रदद् करण्यासाठी विधानसभा उपाध्यक्षांनी नोटिसा पाठवल्या आहेत. मुख्यमंत्री उद्धव ठाकरे यांच्याकडून आता मंत्र्यांवर कारवाई केली जाण्याची शक्यता आहे. मुख्यमंत्री कार्यालयातून राज्यपाल कार्यालयाला यासंदर्भातील पत्र पाठवली जाणार असल्याची माहिती मिळत आहे.

तर आज शरद पवार यांच्या मुंईतील निवास्थानी एक बैठक पार पडली यावेळी शिवसेना पक्ष कायदेशीर प्रक्रियेला कसं सामोर जाणार आणि ती प्रक्रिया कशी पार पाडत आहे याची माहिती अनिल देसाई आणि अनिल परब यांनी शरद पवाांना दिली आहे. तसंच ही बैठक पार पडल्यानंतर शरद पवार हे दिल्ली दौऱ्यावर गेले आहेत त्यामुळे आता महाविकास आघाडीने सत्ता टीकविण्यासाठीच्या हालचालींना वेग आला आहे. त्यामुळे या बंडखोरांची आमदारकी आणि मंत्रीपद धोक्यात आल्याचं बोललं जात आहे.

Edited By - Jagdish Patil