मुंबई : राज्य परिवहन महामंडळाच्या कर्मचाऱ्यांना दिवाळीआधी खूशखबर मिळण्याची शक्यता आहे. एसटी कर्मचाऱ्यांना दिवाळीनिमित्त बोनस जाहीर होण्याची शक्यता वर्तवली जात आहे.

मुख्यमंत्री एकनाथ शिंदे (Eknath Shinde) यांनी परिवहन विभागाची बैठक आज बोलावली आहे. या बैठकीत दिवाळी बोनस बाबतची घोषणा होण्याची शक्यता आहे. एसटीची आर्थिक परिस्थिती बिकट असल्याने जवळपास 2 हजार कोटी रुपयांची देणी बाकी आहेत. ही देणी कशी पूर्ण करता येतील यावर देखील चर्चा होणार आहे. (Latest Marathi News)

एसटी कर्मचाऱ्यांना गेल्या काही वर्षापासून सानुग्रह अनुदान देण्यात येत आहे. मात्र आता दिवाळीला अवघे काही दिवस उरले असताना अद्यापही कर्मचाऱ्यांना याबाबतची घोषणा झालेली नाही. त्यामुळे कर्मचाऱ्याचं लक्ष आज पार पडणाऱ्या बैठकीकडे आहे.

एसटी कर्मचारी आणि अधिकारी यांना गेल्या वर्षी अडीच हजार आणि पाच हजार अशी रक्कम सानुग्रह अनुदान स्वरुपात देण्यात आली होती.

मुंबई महापालिका कर्मचाऱ्यांना 22 बोनस जाहीर झाला आहे. रेल्वे कर्मचाऱ्यांनाही मोठा बोनस जाहीर आहे. त्यामुळे यंदा चांगला बोनस मिळेल अशी अपेक्षा एसटी कर्मचाऱ्यांना आहे.