सचिन गाड, मुंबई

Mumbai Crime News:

ईडीने आज बुधवारी एबीजी शिपयार्ड लिमिटेडच्या संबंधित ठिकाणी धाडी टाकल्या. ईडीने एबीजी शिपयार्ड लिमिटेडच्या संबंधित मुंबईसह पुणे आणि दिल्लीतील एकूण ७ ठिकाणी सर्च ऑपरेशन केलं. ईडीकडून या धाडीत पाच कोटी रूपयांची मालमत्ता करण्यात आली आहे. (Latest Marathi News)

मिळालेल्या माहितीनुसार, ईडीच्या अधिकाऱ्यांनी एबीजी शिपयार्ड लिमिटेड प्रकरणी सर्च ऑपरेशन केलं. ईडीच्या अधिकाऱ्यांनी मुंबईसह पुणे आणि दिल्लीतील एकूण ७ ठिकाणी सर्च ऑपरेशन केलं. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

ईडीकडून या कंपनीच्या संबंधित पाच कोटी रूपयांची मालमत्ता जप्त करण्यात आली आहे. ईडी अधिकाऱ्यांकडून या कारवाईत रोकडसहित परदेशी चलन आणि दागिने जप्त केले आहेत. तसेच गुन्ह्यांशी संबधित कागदपत्रे जप्त केल्याचा दावाही ईडीने केला आहे.

ईडीच्या कारवाईत ८५ लाखांची रोकड, ४५ लाखांची परकीय चलन, ८६ लाखांचे चांदीचे कॉइन तसेच २.८३ कोटी रुपयांचे सोन्याच्या दागिन्यांचा समावेश आहे.

एबीजी शीपयार्ड कंपनीवर आयसीआयसीआय बँकेची २२ हजार कोटींची फसवणूक केल्याचा आरोप आहे. आतापर्यंत २ हजार ७०० कोटींची मालमत्ता ईडीकडून जप्त करण्यात आली आहे.

काय आहे प्रकरण?

ऋषि अग्रवाल एबीजी शिपयार्ड कंपनीचे अध्यक्ष आणि एमडी आहेत. ऋषि अग्रवाल यांच्यावर कंपनीच्या नावावर कर्ज घेतलं. मात्र, अग्रवाल यांनी या कर्जाचा गैरवापर केल्याचा आरोप आहे. सीबीआयच्या माहिती नुसार, त्यांनी २८ बँकांकडून २२ हजार ८४२ कोटी रुपयांचा घोटाळा केल्याचा आरोप आहे.