शहीद संतोष जगदाळे यांची कन्या आसावरी जगदाळे हिला महापालिकेत नोकरी मिळाली आहे. आसावरी संतोष जगदाळे हिला पुणे महापालिकेत नोकरीचे नियुक्ती पत्र देण्यात आलं. यावेळी स्वतः मुख्यमंत्री देवेंद्र फडणवीस यांनी आसावरीचे फोन करून अभिनंदन केले. पुणे महापालिकेत महापौर मंजुषा नागपूरे आणि सभागृह नेते गणेश बिडकर आणि आयुक्त नवलकिशोर राम यांच्या उपस्थितीत देण्यात नियुक्ती पत्र देण्यात आले. आसावरी जगदाळे ही संतोष जगदाळे यांची मुलगी असून पहलगाम येथील दहशतवादी हल्ल्यात मृत्यू झाला होता.

काश्मीर खोऱ्यातील पहलगाम येथे झालेल्या दहशतवादी हल्ल्यात 26 निष्पाप नागरिकांचा मृत्यू झाला होता. त्यात महाराष्ट्रातील देखील काही पर्यटकांनी कुटुंबातील सदस्य, आप्तेष्ट, जवळचे नातेवाईक गमावले होते. त्यामध्ये, पुण्यातील रहिवासी संतोष जगदाळे यांचाही मृत्यू झाला होता. या घटनेनंतर राज्य सरकारने महाराष्ट्रातील मृतांच्या वारसांना शासकीय नोकरी देण्याची घोषणा केली होती. अखेर मुख्यमंत्री देवेंद्र फडणवीस यांच्या पुढाकारने आसावरी जगदाळे यांना प्रशासकीय अधिकारी म्हणून महापालिकेत नोकरी सरकराने दिली आहे.

काश्मीर खोऱ्यातील पहलगाम येथे झालेल्या भ्याड दहशतवादी हल्ल्यात पुण्यातील संतोष जगदाळे यांचे निधन झाले होते. या दुर्दैवी घटनेनंतर जगदाळे कुटुंबावर कोसळलेल्या दुःखाच्या डोंगरातून त्यांना सावरण्यासाठी राज्य सरकारने मदतीचा हात पुढे केलाय.. मुख्यमंत्री देवेंद्र फडणवीस यांनी दिलेल्या शब्दाची पूर्तता करत शहीद संतोष जगदाळे यांची कन्या आसावरी जगदाळे यांना पुणे महानगरपालिकेत 'प्रशासकीय अधिकारी' (वर्ग-२) म्हणून नियुक्त करण्याचे आदेश दिले आहेत.

'मी सर्वांचे आभार मानते. माझ्या मुलीने प्रामाणिकपणे काम करावं एवढीच अपेक्षा तिच्याकडून असल्याचं तिच्या आईने सांगितला. नोकरी मिळाल्यानंतर इतर नेत्यांनीही आसावरीचे अभिनंदन केले.