Dattatray Gade : पुण्याच्या स्वारगेट डेपोमधील बलात्कार घटनेतील आरोपी दत्तात्रय गाडे याचा पुणे पोलीस शोध घेत आहेत. तो शिरूरमधील गुनाट गावात त्याला शोधण्यासाठी पोलीस दल दाखल झाले होते. या शोधमोहीमेच्या संबंधित माहिती समोर आली आहे. पोलीस पथकाला परत येण्याच्या सूचना देण्यात आल्या आहेत.

मिळालेल्या माहितीनुसार, दत्तात्रय गाडेच्या शोधमोहिमेला गेलेल्या पोलीस पथकाला परतण्याच्या सूचना देण्यात आल्या आहेत. पोलिसांसह गुनाट गावचे ग्रामस्थ देखील शेतात तपासासाठी गेले होते. ग्रामस्थांचे पथक देखील पोलिसांसह परतणार आहे. यावरुन अजूनही दत्ता गाडेचा शोध लागलेला नाही हे स्पष्ट झाले आहे.

पोलिसांसह ग्रामस्थांच्या पथकांनी तब्बल २५ एकरच्या परिसरातील शेतशिवारात जाऊन तेथील पाहणी केली. तरीही दत्ता गाडेचा शोध लागला नसल्याने शोध पथकांना परत येण्यास सांगण्यात आले आहे. या दरम्यान दत्तात्रय गाडे कुठू लपून बसला आहे आणि तो कधी सापडणार कधी हा प्रश्न उपस्थित केला जात आहे.

१०० पोलीस, ड्रोन, श्वान पथकांनी दत्ता गाडेचा शोध घेण्यात आला. २५ एकर शेतात पहाणीकरुनही आरोपी न सापडल्याने तेथील शोधमोहीम थांबण्यात आली. परिसरात बिबट्याचा वावर असल्याने आणि अंधार पडायला सुरुवात झाल्याने पथक परतले. मात्र लवकरच दत्तात्रय गाडेला शोधणार असा ठाम विश्वास पोलिसांनी व्यक्त केला आहे.