पुणे: महाराष्ट्र लोकसेवा आयोगातर्फे (Maharashtra Public Service Commission) संयुक्त पूर्व परीक्षा PSI-STI 2021 घेण्यात आली होती त्यात आयोगाकडून आलेल्या Answer Key मध्ये काही बरोबर असलेले प्रश्नही रद्द करण्यात आले होते. त्यामुळे 2 ते 3 हजार मुलांची काहीही चूक नसताना केवळ MPSC ने दिलेल्या चुकीच्या Answer Key मुळे  ही मुलं नापास झाली होती. यातील जवळपास 86 मुलांनी त्याविरोधात मुंबई उच्च न्यायालयात धाव घेतली होती आणि त्याचा निर्णय आज मुलांच्या बाजुने आला होता. न्यायालयाने या 86 मुलांना मुख्य परीक्षेसाठी बसण्याची मंजुरी दिलेली आहे.

न्यायालयीन लढाई लढलेल्या मुलांनाचं याच फायदा झालाय बाकीच्या विद्यार्थ्यांचं पुढे काय? यामुळे उर्वरित 400 विद्यार्थ्यांनी मुंबई, औरंगाबाद, नागपूर या खंडपीठात मुलांनी MPSC संयुक्त पूर्व परीक्षा PSI-STI २०२० मध्ये मुख्य परीक्षेत बसू देण्यासाठी याचिका दाखल केली होती. त्याचा निकाल लागला आहे. नागपूर खंडपीठाने 9 विद्यार्थ्यांना मुंबई खंडपीठाने 161 विद्यार्थ्यांना, औरंगाबाद खंडपीठाने 88 विद्यार्थ्यांना दिलासा दिला आहे. ज्याप्रकारे 86 मुलांना मुख्य परीक्षेला बसू दिले आहे त्याप्रमाणे आम्हालाही मुख्य परीक्षेत बसू द्यावे ही विद्यार्थ्यांची प्रमुख मागणी होती. त्यामुळे औरंगाबाद, मुंबई, नागपूर खंडपिठाचा निकाल विद्यार्थांच्या बाजूने लागला आहे. आयोगाने 4 थी Answer Key प्रकाशित करावी आणि जास्तीत जास्त विद्यार्थ्यांना सामावून घ्यावे ही प्रमुख मागणी आहे.

Edited By: Pravin Dhamale