पुणे : सीएनजीच्या दरात पुन्हा वाढ झाली आहे. पुणे शहर, पिंपरी-चिंचवड, तळगाव आणि हिंजवडी परिसरात सीएनजीच्या दरात वाढ करण्यात आली आहे. सीएनजीच्या दरात प्रति किलो २ रुपयांनी वाढ करण्यात आली आहे. त्यामुळे नवीन दर आज ९ आणि ९ मे २०२६ च्या मध्यरात्रीपासून लागू होणार आहेत.

सीएनजीच्या दरवाढीनंतर प्रति किलो दर ९२.२५ रुपयांवर पोहोचला आहे. नैसर्गिक वायूच्या वायूच्या खर्चात वाढ झाली आहे. त्यामुळे सीएनजीच्या दरात वाढ करण्यात आल्याचे महाराष्ट्र नॅचरल गॅस लिमिडेटने स्पष्ट केलं आहे. दरवाढ झाली तरी, सीएनजी इंधन पर्याय अजून किफायतशीर ठरत असल्याचा दावा कंपनीने केलाय.

पुण्यात प्रवासी कारसाठी पेट्रोलच्या तुलनेत सुमारे ४५ टक्के आणि डिझेलच्या तुलनेत सुमारे २२ टक्के बचत होईल, असं सांगण्यात आलं आहे. ऑटोरिक्षा चालकांसाठी ही बचत सुमारे २४ टक्के असल्याचं सांगण्यात आलं आहे.

नैसर्गिक वायू (पीएनजी)च्या दरात कोणताही बदल करण्यात आलेला नाही. ग्राहकांनी नवीन दराची नोंद घ्यावी, असेही कंपनीकडून सांगण्यात आलंय. पीएनजीच्या दरात न वाढ झाल्याने सर्वसामान्यांना मोठा दिलासा आहे.

महाराष्ट्रात पेट्रोल-डिझेलचे दर स्थिर

महाराष्ट्रात आज पेट्रोल डिझेलचे दर स्थिर असल्याचे पाहायला मिळाले. मुंबईत पेट्रोलचे दर १०४.४२ रुपये प्रति लिटर आहे. तर डिझेलचे दर ९०.०३ रुपये प्रति लिटर आहे. पुण्यात पेट्रोलचे दर १०३.८२ रुपये प्रति लिटर असून डिझेलचे दर ९०.३५ रुपये प्रति लिटर आहेत. ठाण्यात पेट्रोल १०३.९१ रुपये प्रति लिटर तर डिझेल ९०.४२ रुपये प्रति लिटर आहेत.