Mumbai Latest News: मुंबईतून एक महत्वाची बातमी समोर येत आहे. आशियातील सर्वात मोठी झोपडपट्टी समजली जाणाऱ्या धारावीला आज मुख्यमंत्री एकनाथ शिंदे भेट देणार आहेत. दिवंगत बाळासाहेब ठाकरेंच्या पुण्यतिथी निमित्त हिंदुह्रदयसम्राट बाळासाहेब ठाकरे दवाखान्याच्या उद्घाटनासाठी एकनाथ शिंदे हे धारावीत येणार आहेत. (Eknath Shinde Latest News)

यावेळी धारावी पुर्नविकास प्रकल्पाबाबत मोठी घोषणा मुख्यमंत्री एकनाथ शिंदे (Eknath Shinde) करणार असल्याची माहिती सूत्रांनी दिलेली आहे. धारावी (Dharavi) पुर्नविकास प्रकल्पासाठी मागवलेल्या निवेदा प्रक्रियेत तीन विकासकांनी सहभाग घेतला आहे. यासाठी अदाणी ग्रुप, नमन ग्रुप आणि डीएलफ कंपनी अशी या विकासकांची नावे आहे. जवळपास ६०० एकरांवर लाखो नागरिकांचे पुनर्वसन केले जाणार आहे. यासाठी जवळपास २३ हजार कोटी रुपयांचा हा प्रोजेक्ट असणार आहे. (Dharavi Redevelopment Project News)

MMRA अंतर्गत होणाऱ्या या पुर्नविकास प्रकल्पाचा आढावा घेण्यासाठी मुख्यमंत्री शिंदे धारावीत जाणार असल्याचे कळते. या प्रकल्पासाठी निवेदा घेऊन आलेले विकासक पात्र आहेत का? याची तपासणी करण्याचे काम सुरू असल्याची माहिती सूत्रांनी दिली आहे.

Edited By - Akshay Baisane