नवी मुंबई : सिडकोने आधीपासूनच पायाभूत सुविधांबरोबरच सामाजिक, शैक्षणिक, आरोग्य सुविधांच्या सुयोग्य नियोजनावर नेहमीच भर दिला आहे. यालाच लक्षात घेऊन सिडको महामंडळात अनेक नव्या रोजगाराच्या संधी मिळणार आहेत.

सध्या सिडकोचे नवी मुंबई (Navi Mumbai) आंतरराष्ट्रीय विमानतळ, महागृहनिर्माण योजना, नवी मुंबई मेट्रो, नैना, कॉर्पोरेट पार्क असे महत्त्वाकांक्षी प्रकल्प प्रगतीपथावर आहेत. या महत्त्वाकांक्षी प्रकल्पांना अधिक गती देण्याच्या उद्देशाने तसेच सिडकोतर्फे देण्यात येणाऱ्या सेवा नवी मुंबईकरांना अधिक वेगवान व कार्यक्षमतेने देण्यासाठी ही पदभरती महत्वपूर्ण ठरणार आहे.

सिडको महामंडळात कार्यकारी अभियंता, सहाय्यक कार्यकारी अभियंता, सहाय्यक परिवहन अभियंता, वरिष्ठ नियोजनकार, अर्थशास्त्रज्ञ, सहाय्यक विधी अधिकारी या वर्ग-1 श्रेणीतील पदांकरिता भरती प्रक्रिया राबविली जाणार आहे. या भरती प्रक्रियेत सहभागी होण्यासाठी सिडकोच्या संकेतस्थळावरून (Website) अर्ज करण्याचे आवाहन करण्यात आले आहे.

सिडकोतर्फे वर्ग-1 श्रेणीतील कार्यकारी अभियंता (स्थापत्य), साहाय्यक कार्यकारी अभियंता (स्थापत्य), कार्यकारी अभियंता (विद्युत), साहाय्यक कार्यकारी अभियंता (विद्युत), साहाय्यक परिवहन अभियंता, वरिष्ठ नियोजनकार, अर्थशास्त्रज्ञ आणि साहाय्यक विधी अधिकारी अशा विविध पदांची भरती करण्यात करण्यात येत आहे. या भरतीसंबंधीची जाहिरात वर्तमानपत्रांत प्रसिद्ध झाली असून http://www.cidco.maharashtra/ या संकेतस्थळावर विस्तृत जाहिरात आणि माहिती (Information) आहे.