सध्या लोकांमध्ये हार्टअटॅकचे प्रमाण वाढू लागले आहेत. अनेक तरुणांचे हार्टअटॅकमुळे जीव गेले आहेत. लोकांना चालता-फिरता, प्रवासात हार्टअटॅक येण्यााचे प्रकार वाढले आहेत. असाच प्रकार मुंबईतील कुर्ला रेल्वे स्टेशनवर घडला आहे. एका प्रवाशाला हार्टअटॅक आल्यानंतर आरपीएफने सीपीआर देऊन जीव वाचवला आहे. या प्रवाशासाठी आरपीएफ जवान देवदूत ठरला आहे. (Latest Marathi News)
एका वरिष्ठ अधिकाऱ्याने दिलेल्या माहितीनुसार, आरपीएफ जवान मुकेश यादव यांनी एका व्यक्तीचा जीव वाचवण्याचं मोठं काम केलं आहे. या आरपीएफ जवानाचं सर्वत्र कौतुक होत आहे .
नेमकं काय घडलं?
गुरुवारी १४ सप्टेंबर रोजी सकाळी अकरा वाजण्याचा सुमारास कुर्ला स्थानकावर क्रमांक सात ते आठ प्लॅटफॉर्मवर एका प्रवाशाला हार्टअटॅक आल्याने जमिनीवर कोसळला. त्यानंतर या प्रवाशाला वाचवण्यासाठी आरपीएफ जवान धावला.
आरपीएफ जवानाने तातडीने या प्रवाशाला सीपीआर दिला. तातडीने सीपीआर दिल्याने प्रवाशाचा जीव वाचवला आहे, अशी माहिती वरिष्ठ अधिकाऱ्याने दिली.
'आरपीएफ जवानाने प्रवाशाला सीपीआर दिल्यानंतर स्टेशन मास्तर , आरपीएफ आणि जीआरपीच्या मदतीने प्रवाशाला भाभा रुग्णालयात पाठवण्यात आले, असे मध्य रेल्वेचे शिवराज मानसपुरे यांनी सांगितले आहे.
तत्पूर्वी, भाभा रुग्णालयातील डॉक्टरांनी आरपीएफ जवानाचं प्रवाशाला वेळेवर सीपीआर दिल्याबद्दल त्याचं कौतुक केलं आहे. सीपीआर दिल्यामुळे प्रवाशाचा श्वास परत आला आणि त्याचा जीव वाचला. सध्या या प्रवाशाची प्रकृती स्थिर आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.