मध्य रेल्वेच्या मुंबई विभागामार्फत दिनांक १०/११.०४.२०२६ रोजी टिटवाळा व वासिंद स्थानकांदरम्यान विशेष ट्रॅफिक व पॉवर ब्लॉक घेण्यात येणार आहे. हा ब्लॉक प्लॅटफॉर्म विस्तार कामांसाठी (१५ डब्यांच्या गाड्यांची सोय करण्यासाठी) आवश्यक असलेल्या अतिक्रमण हटविण्याच्या कामासाठी तसेच टिटवाळा आणि खडवली स्थानकांवरील नवीन पॉइंट्सवर ओव्हरहेड इक्विपमेंट (OHE) कार्यान्वित करण्यासाठी घेण्यात येत आहे. प्रवाशांनी याची नोंद घ्यावी व सहकार्य करावे, असे आवाहन मध्य रेल्वेकडून करण्यात येत आहे.
दिनांक: १०/११.०४.२०२६ (शुक्रवार/शनिवार मध्यरात्र)
कालावधी: ११.०४.२०२६ रोजी ०२.१० ते ०३.२५ वाजेपर्यंत
ब्लॉक विभाग: टिटवाळा (समाविष्ट) ते वासिंद (वगळून) अप व डाउन मार्गावर
११.०४.२०२६ रोजी ०२.२७ ते ०३.२५ या कालावधीत खालील गाड्या नियंत्रित करण्यात येतील:
12102 शालीमार – लोकमान्य टिळक टर्मिनस ज्ञानेश्वरी एक्सप्रेस वासिंद येथे थांबविण्यात येईल.
18030 शालीमार – लोकमान्य टिळक टर्मिनस एक्सप्रेस आसनगाव येथे थांबविण्यात येईल.
12810 हावडा – छत्रपती शिवाजी महाराज टर्मिनस एक्सप्रेस आटगाव येथे थांबविण्यात येईल.
20104 भटनी – लोकमान्य टिळक टर्मिनस एक्सप्रेस खर्डी येथे थांबविण्यात येईल.
तसेच 01026 बलिया – दादर एक्सप्रेस आणि 01139 नागपूर – मडगाव विशेष एक्सप्रेस या गाड्या भुसावळ विभागात आवश्यकतेनुसार नियंत्रित करण्यात येतील.
उशिराने धावणाऱ्या मेल/एक्सप्रेस व प्रवासी गाड्यांबाबत त्यादिवशी घोषणा करण्यात येईल आणि त्या गाड्यांनाही कार्यानुसार नियंत्रित अथवा शॉर्ट टर्मिनेट करण्यात येईल. हे ब्लॉक पायाभूत सुविधा देखभाल व सुरक्षिततेच्या दृष्टीने अत्यावश्यक आहेत. प्रवाशांना होणाऱ्या गैरसोयीबद्दल रेल्वे प्रशासन दिलगिर आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.